HR – ადამიანური რესურსების მართვის კურსი

HR ადამიანური რესურსების მართვის კურსი

კურსის აღწერა

კურსის განმავლობაში გაეცნობი იმ ძირითად ასპექტებს, რომლებიც მნიშვნელოვანია თანამედროვე ორგანიზაციის ჩამოყალიბებისა და ეფექტური მართვისთვის. გაიგებ, როგორ უნდა დაგეგმო სხვადასხვა აქტივობები თანამშრომლების განვითარებისა და ჩართულობისთვის. ისწავლი ყოველდღიურად წამოჭრილი პრობლემების ეფექტურად გადაჭრას.

საბოლოოდ შეძლებ, რომ სწორად დაინახო HR მენეჯმენტის როლი კომპანიაში და განახორციელო ის აქტივობები, რომლებიც ბიზნესს წინსვლაში დაეხმარება.

კურსის მენტორები

ნინო ნოდია

ადამიანური რესურსების მენეჯერი

,,HR უნდა დაეხმაროს ბიზნესს წინსვლაში და უზრუნველყოს თანამშრომლების ბედნიერება კომპანიაში.“

ყველაზე მეტად აინტერესებს ადამიანები, მათი ქცევა და მათ განვითარებაში წვლილის შეტანა. სწორედ ამიტომ, დაუკავშირა საკუთარი ცხოვრება ადამიანური რესურსების მართვას.

დაამთავრა თბილისის სახელმწიფო უნივერსიტეტი, ინგლისური ენისა და ლიტერატურის ფაკულტეტი. მაგისტრატურაზე სასწავლებლად წავიდა ლონდონში, Williams College-ში, სტრატეგიული მართვისა და ლიდერობის მიმართულებით.

საერთაშორისო ნეირო-ლინგვისტური პროგრამირების გაერთიანებაში არის NLP ქოუჩინგის პრაქტიკოსი. გარდა ამისა, ის არის Senior HR პროფესიონალი (SPHRi).

ამჟამად მუშაობს იშბანკი საქართველოში, ადამიანური რესურსების დეპარტამენტის ხელმძღვანელის/HR მენეჯერის პოზიციაზე.

ინდივიდუალური პროექტები: 1. ტალანტების მოზიდვა და შერჩევა ადგილობრივი და საერთაშორისო კომპანიებისთვის; 2. ტრენინგების დაგეგმვა და ჩატარება ადგილობრივი კომპანიებისთვის (ტრენინგის მთავარი თემები: სამუშაოს შესრულების მართვა, უკუკავშირის კულტურა, მენეჯერის როლი გუნდის ეფექტურად მუშაობაში და მისი ფუნქციები).

სალომე კიღურაძე

ადამიანური რესურსების მართვის სპეციალისტი

,,ჩემი მიზანია გავცე, რაც შეიძლება ბევრი და მივიღო კიდევ უფრო მეტი: ცოდნა, ენერგია, გამოცდილებები, შეხედულებები, იდეები და  ემოციები.”

პირველად სამსახურში დააინტერესა HR სპეციალისტების საქმიანობამ. როდესაც ხედავდა მოქმედ HR-ებს ყოველთვის აინტერესებდა, როგორ მუშაობდნენ და რას აკეთებდნენ ისინი. ზუსტად მაშინ მიხვდა, რომ ეს სფერო უნდა შეესწავლა.

დაასრულა ბიზნესის და ეკონომიკის ფაკულტეტი. 13 წელზე მეტია, რაც ამ სფეროში აქტიურად მოღვაწეობს.

უმუშავია ისეთ ბრენდებთან, როგორიც არის: Avon Cosmetics, Geocell (Telia Company), KPMG და სხვა.

დღეს მუშაობს KPMG საქართველოში, Head of People Department-ის პოზიციაზე. ასევე არის ICF coach-ი და გადის ქოუჩინგის პროგრამას Leo Academy-ში .

კურსის სილაბუსი

Workshop 1

• გაცნობა და  მოლოდინები
• როგორ ორგანიზაციაში იმუშავებდით? 
• რა მისია, ფუნქცია და როლი აქვს (უნდა ჰქონდეს) HR -ს თანამედროვე ორგანიზაციებში
• როგორია თქვენი HR-ული გამოცდილება
• რას გავიგებთ, რას ვისწავლით და რას დავინახავთ სხვა რაკურსით კურსის შემდეგ

Workshop 2

• HR – სტრატეგიული პარტნიორი vs მხარდამჭერი ფუნქცია
• HR სტრატეგიის ფორმირება
• კორპორაციული კულტურა და მისი გავლენა HR სტრატეგიაზე

Workshop 3

• ადამიანური რესურსის დაგეგმვის ძირითადი მიდგომები 
• კანდიდატების მოზიდვის და შერჩევის ეტაპები; “ციფრული რეკრუტინგი”
• ახალი თანამშრომლების ადაპტაციის პროცესი – საორიენტაციო პროგრამა და ონბორდინგი

Workshop 4

• სამუშაოს შესრულების მართვა (ნაწილი 1)
• მიზნების  ფორმირება SMART პრინციპით
• Performance coaching – უკუკავშირის მოდელები და მიდგომები; უკუკავშირის ინტერვიუ
• თანამშრომლების შესრულებული სამუშაოს შეფასება – შეფასების სკალები და მეთოდები

Workshop 5

• სამუშაოს შესრულების მართვა (ნაწილი 2)
• დისციპლინარული პოლიტიკა – როგორ ვმართოთ სამუშაოს არასათანადო შემსრულებელი
• სამუშაოს გაუმჯობესების ფორმა და მიდგომები
• შრომით-სამართლებრივი ურთიერთობის მართვა

Workshop 6

• რა არის მოტივაცია?
• მოტივაციის თეორიები (ჰერცბერგი, მასლოუ, მაქგრეგორი)
• თანამშრომლების მოტივაციის ინსტრუმენტები
• HR-ის როლი თანამშრომლების მოტივაციაში

Workshop 7

• სწავლება და განვითარება – ინსტრუმენტები და თანამედროვე მეთოდები
• თანამშრომლების კარიერული განვითარება;
•  ტალანტების მართვა ორგანიზაციაში
• სწავლების ელექტრონული პლატფორმები და მათი უპირატესობები

Workshop 8

• კომპენსაციების და ბენეფიტების სისტემის შემუშავების ძირითადი პრინციპები
• საბონუსე სისტემის ფორმები და მთავარი პრინციპები
• სახელფასო სკალა – ხელფასის მატებასთან დაკავშირებული ძირითადი მიდგომები

Workshop 9

• Employee Experience – როგორ შევქმნათ თანამშრომლის საუკეთესო გამოცდილება
• მთავარი HR კვლევები; მონაცემთა ანალიზი და შემდგომი ნაბიჯები
• HR პოლიტიკის სახელმძღვანელოები – თანამშრომლის საუკეთესო გამოცდილების მხარდასაჭერად 
• სამუშაო უსაფრთხოება და რისკების მართვა

Workshop 10

• HR ბრენდი – როგორ ვმართოთ HR ბრენდი სწორად
• HR გამოწვევები დღეს – COVID 19; 
• პროცესების ავტომატიზაცია;
•  HR აუთსორსი

Workshop 11

• როგორ შევქმნათ რეზიუმე?
• მთავარი პრინციპები და გასათვალისწინებელი წესები
• პრაქტიკული ვორქშოფი

Workshop 12

• შემაჯამებელი ტესტი