HTML/CSS + JavaScript + Node JS-ის პაკეტი

პროგრამირება არის სასაუბრო ენა ადამიანებსა და კომპიუტერებს შორის. 

ვებ დეველოპერი (იგივე პროგრამისტი) კი არის ადამიანი, რომელმაც ეს ენა იცის. ანუ აქვს უნარები კომპიუტერისთვის გასაგებ ენაზე დაწეროს ის ინსტრუქცია, რომელსაც შემდგომში კომპიუტერი შეასრულებს. 

მსოფლიოში მილიონობით ვებგვერდი და აპლიკაცია არსებობს, ამ ვებგვერდებას და აპლიკაციებს კი ვებ დეველოპერები ქმნიან. 

ვებ პროგრამირების კურსის მიზანია, შენც ერთ-ერთი მათგანი გახდე.

რატომ უნდა ისწავლო ვებ-პროგრამირება ციფრული ინდუსტრიის აკადემიაში?

ვებ პროგრამირების კურსის განმავლობაში ნულიდან ისწავლი Front-end დეველოპმენტს. კურსის დასრულების შემდეგ კი დამოუკიდებლად შეძლებ ვებგვერდის ვიზუალის აწყობას, რომელიც მორგებული იქნება დესკტოპის, პლანშეტისა და მობილურის რეზოლუციებზე.

გარდა ამისა, შეძლებ, დასაქმდე ამ მიმართულებით.

რას ისწავლი კურსზე?

კურსის განმავლობაში ნულიდან ისწავლი როგორ უნდა ააწყო ვებ გვერდი html-ისა და css-ის საშუალებით.

დეტალურად გაეცნობი HTML-ის ძირითადად სტრუქტურას და CSS-ის სტილებს (სილაბუსის მიხედვით).

გაიგებ, როგორ უნდა ააწყო გვერდის სტრუქტურა, როგორ უნდა დაამატო სტილები და ლოგიკა.

ვისთვის არის განკუთვნილი?

კურსი განკუთვნილია ყველასთვის, ვისაც აინტერესებს, როგორ იქმნება ის ვებ-გვერდები თუ აპლიკაციები, რომლებსაც ყოველდღე ვიყენებთ და უნდა მათი შექმნა თავადაც შეძლოს. 

მენტორი:

ქრისტინა მაკალათია

Front-End დეველოპერი

მას შემდეგ, რაც დაასრულა თბილისის სახელმწიფო უნივერსიტეტი, საერთაშორისო ურთიერთობების განხრით, მიხვდა, რომ მისი ინტერესის სფერო რადიკალურად განსხვავდებოდა.

ძიების პროცესში აღმოაჩინა ვებ პროგრამირება. 2017 წლიდან კი აქტიურად ჩაერთო ამ სფეროში. ვებ პროგრამირება პროფესიონალურ დონეზე შეისწავლა, მისი ცოდნა მოიცავს HTML/CSS-სა და JavaScript-ს. 

2018 წლიდან დაიწყო მუშაობა, როგორც Front-End დეველოპერმა. მას აქვს მენტორობის მრავალწლიანი გამოცდილება ისეთ პროექტებზე, როგორიც არის: 

გაეროს განვითარების პროგრამის და ჯეოლაბის მხარდაჭერით ჩატარებული კურსი – ,,Front-End გოგოებისთვის კონფლიქტით დაზარალებული რეგიონებიდან”;

,,ევროკავშირი საქართველოსთვის“ პროგრამის ფარგლებში ტრენინგი შინაგან საქმეთა სამინისტროს აკადემიის თანამშრომლებისთვის,

ილიაუნის ინოვაციური ტექნოლოგიების კიბერლაბორატორიის პროექტი ,,უნილაბი სკოლაში“;

საქართველოს ინოვაციების და ტექნოლოგიების სააგენტოს მიერ განხორციელებულ პროექტი ,,Front-End პროგრამირება რეგიონში“;

ბიზნესისა და ტექნოლოგიების უნივერსიტეტი – Front-End დეველოპმენტის კურსის მენტორი;

ილიაუნის ინოვაციური ტექნოლოგიების ლაბორატორია Front-End Development-ის სტაჟირების ხელმძღვანელი;

კომპიუტერული ტექნოლოგიების ექსპერტი სსიპ განათლების მართვის საინფორმაციო სისტემაში, საგანმანათლებლო ინოვაციებსა ტექნოლოგიების სამსახურში;

ლიბერთი ბანკისა & ბიზნესისა და ტექნოლოგიების უნივერსიტეტის ერთობლივი გადამზადების პროექტი – “Front-End Development-ის კურსი ქალებისთვის”;

ბიზნესისა და ტექნოლოგიების უნივერსიტეტის & გაეროს ქალთა ორგანიზაციის მიერ გამართული პროექტი – ,,500 ქალი ტექნოლოგიებში”.

FAQS:

• რას მოიცავს ვებ-პროგრამირების კურსი? - ვებ-პროგრამირების კურსი მოიცავს  html, css და javascript-ის საფუძვლებს. ისწავლი ვებ გვერდების შექმნას, რომლებიც იქნება მორგებული აბსოლუტურად ყველა რეზოლუციაზე, ისწავლი თუ როგორ შეგიძლია css-ის მეშვეობით ელემენტების ვებგვერდზე პოზიციონირება, კოდის ოპტიმიზაცია, ანიმაციებთან მუშაობა და კოდის ატვირთვა github-ზე. ნულიდან შეისწავლი, თუ როგორ უნდა ააწყო ვებგვერდი html-ისა და css-ის საშუალებით. შექმნი პორტფოლიოს და შეძლებ დეველოპერის კარიერის დაწყებას.
  

• არსებობს თუ არა წინაპირობა კურსზე მოსახვედრად? - კურსზე მოსახვედრი წინაპირობა არ არსებობს
  

• რამდენ ხანს გრძელდება კურსი? - კურსი 2 თვეს გრძელდება და 14 ლექციას მოიცავს 
  

• რა სერტიფიკატს ვიღებ კურსის დასრულების შემდეგ? - დიახ, სტუდენტები, რომლებიც წარმატებით დაასრულებენ კურსს, მიიღებენ სერტიფიკატს
  

• შემიძლია თუ არა კურსის გავლა ონლაინ? - დიახ, კურსის გავლა შეგიძლია, როგორც ოფლაინ, ისე - ონლაინ

Node js JavaScript-ის გარემოა სერვერული აპლიკაციების შესაქმნელად, რომელიც სწრაფი და ეფექტურია მაღალი დატვირთვის მქონე სისტემებისთვის.

ის საშუალებას გაძლევს შექმნა სერვერული აპლიკაციები, REST API-ები და მიკროსერვისები, მარტივად მართო მონაცემთა ბაზები და ინტეგრირებული მოდულები.

ციფრული ინდუსტრიის აკადემიაში Node.js-ის კურსის გავლით ისწავლი Node.js-ის ძირითადი მოდულებს, Express ფრეიმვორკებს და Back-end აპლიკაციების შექმნის პრინციპებს.

რატომ უნდა აირჩიო Node.js ციფრული ინდუსტრიის აკადემიაში?

Node.js-ის კურსი ციფრული ინდუსტრიის აკადემიაში იდეალურია ნებისმიერი მოტივირებული Backend დეველოპერისთვის, რადგან ის სიღრმისეულად გასწავლის Node.js-ის პრინციპებს, მოდულებს, მონაცემთა ბაზებთან მუშაობას, Rest API-ს შექმნასა და Express ფრეიმვორკს, რაც საშუალებას მოგცემს დამოუკიდებლად ააწყო Back-end აპლიკაცია.

რას ისწავლი Node.js-ის კურსზე?

კურსის განმავლობაში გაეცნობი Node.js-ის მუშაობის პრინციპს, მის საბაზისო და მნიშვნელოვან მოდულებს, რელაციურ და არარელაციურ ბაზებს.

ასევე Rest Api-ს პრინციპებს და Express ფრეიმვორკს.

ვისთვის არის განკუთვნილი Node.js კურსი?

კურსი ძირითადად განკუთვნილია Front-end დეველოპერებისთვის, რომლებიც უკვე ფლობენ JavaScript-ის საბაზისო ცოდნას და სურთ Back-end მიმართულებაში გაღრმავება, საკუთარი უნარების გაფართოება და კარიერული ზრდა Full-Stack დეველოპერის პოზიციაზე.

მენტორი:

მიქაელ მალანია

Back-End Developer

ინტერესი ამ სფეროსადმი 11-12 წლის ასაკიდან გაუჩნდა, როდესაც საჩუქრად მიიღო ე.წ. დასაკეცი ტელეფონი. რამდენიმე თვის შემდეგ ამავე ტელეფონით დამოუკიდებლად ააწყო საკუთარი ვებგვერდი, სადაც მომხმარებელს შეეძლო სიმღერების და ვიდეოების გადმოწერა, ინფორმაციის მიღება, ლაივ რეჟიმში სატელევიზიო არხების ყურება.

ამ ინტერესის პროფესიად გადაქცევა გადაწყვიტა. სწავლობდა საქართველოს ტექნიკურ უნივერსიტეტში, ინფორმაციისა და მართვის სისტემების მიმართულებით. ამჟამად ამავე უნივერსიტეტში სწავლობს მაგისტრატურაზე.

4 წელზე მეტია, რაც დეველოპმენტის სფეროში აქტიურად არის ჩართული. ამ დროის მანძილზე იმუშავა მრავალ საინტერესო პროექტზე, თუ პროგრამირების ენებზე, განსაკუთრებით კი Javascript-ზე.

მისი სამუშაო გამოცდილება იწყება ამერიკულ კომპანია Quantori-ში, Python Back-End დეველოპერის პოზიციაზე. აქ შექმნა რამდენიმე ვებ პროექტი Django, Flask, FastAPI ფრეიმვორკებით. 

შემდეგ მუშაობდა კომპანია Nandi-ში, DevOps Engineer-ის პოზიციაზე. პარალელურად იყო ფრილანს WordPress დეველოპერი, როგორც ქართულ, ისე საერთაშორისო ბაზარზე.

გამოცდილების დაგროვებასთან ერთად აკადემიური საქმიანობაც შეითავსა. Algorithmics School-ში იყო Python-ის მენტორი. ასევე ასწავლიდა ვებ დიზაინს (HTML, CSS, Figma და Wix). 

უმუშავია შემდეგ პროექტებზე: Quantori Discovery Engine, DevOps პროექტი: “CI/CD Pipeline”-ის აგება, BackSupport: “WordPress Dropshipping” პროექტი, Sotco: WordPress პროექტი, Mdello და ა.შ.

ინდივიდუალური პროექტები: Musicmaven – პროექტი, რომელსაც შეუძლია სასურველი სიმღერების სხვადასხვა მუსიკალური წყაროებიდან წამოღება, დაკვრა და გადმოწერა. Stypops – ონლაინ გაყიდვების ვებგვერდი, რომელიც მოიცავს კონკრეტული სტილის ტანისამოსს, Zanyzest – ბლოგის ტიპის ვებგვერდი, რომელიც განკუთვნილია სათავგადასავლო და საინტერესო ტიპის ინფორმაციის გაზიარებაზე.

ამჟამად არის Back-End Web Developer-ი, კომპანია Noxtton-ში.

FAQs:

• 
  საჭიროა თუ არა JavaScript-ის ცოდნა Node.js-ის კურსზე მოსახვედრად? - დიახ, კურსის გასავლელად სავალდებულოა  Javascript-ის საბაზისო ცოდნა.
  

• რას მოიცავს Node.js-ის კურსი? - Node.js-ის კურსის განმავლობაში გაეცნობი express framework-ს და იმუშავებ რელაციურ (postgre) და არარელაციურ (mongodb) მონაცემთა ბაზებთან. კურსის გასავლელად სავალდებულოა javascript-ის საბაზისო ცოდნა.
  

• რამდენ ხანს გრძელდება კურსი? - კურსი გრძელდება 2 თვე (12 ლექცია).
  

• მივიღებ თუ არა სერტიფიკატს კურსის დასრულების შემდეგ? - დიახ, კურსის წარმატებით დასრულების შემდეგ სერტიფიკატს მიიღებ

Javascript-ის კურსის განმავლობაში ნულიდან ისწავლი ერთ-ერთ ყველაზე მოთხოვნად პროგრამირების ენას, Javascript-ს. 

გაეცნობი Javascript-ის მუშაობის პრინციპს. გაიგებ, როგორ უნდა შექმნა მცირე და საშუალო ზომის აპლიკაციები ამ ტექნოლოგიის გამოყენებით.

Მიღებული ცოდნა შესაძლებლობას მოგცემს, რომ დაიწყო კარიერა ამ სფეროში და განავითარო საკუთარი უნარები.

რატომ უნდა აირჩიო JavaScript-ის კურსი?

თუ გსურს Front-end პროგრამირებაში ფეხის მოკიდება, JavaScript იდეალური დასაწყისია. 

ეს არის პროგრამირების ენა, რომელიც აერთიანებს ლოგიკას, დიზაინს და ინტერაქტიულ ფუნქციონალს. 

დღევანდელ ბაზარზე თითქმის ყველა თანამედროვე ვებგვერდი — დაწყებული სოციალურ ქსელებით, დამთავრებული ონლაინ მაღაზიებით — JavaScript-ს იყენებს. 

სწორედ ამიტომ, პროგრამირების ამ ენის ცოდნა ზრდის შენს დასაქმების შანსებსა და პროფესიულ შესაძლებლობებს.

კურსი გამოგადგება, თუ მიზნად გაქვს Front-end დეველოპერად მუშაობა ან გინდა საკუთარი პროექტების შექმნა. 

პრაქტიკული მიდგომით, ორი თვის განმავლობაში შეისწავლი არა მხოლოდ თეორიას, არამედ იმუშავებ რეალურ, პრაქტიკულ მაგალითებზე.

რას ისწავლი კურსზე ჯავასკრიპტის კურსზე?

ჯავასკრიპტის კურსი დაგეხმარება, ნულიდან შეიძინო ყველა ის უნარი, რაც ვებდეველოპმენტში წარმატებისთვის გჭირდება. 

კურსის განმავლობაში ისწავლი:
ცვლადების, მონაცემთა ტიპების, პირობითი ოპერატორებისა და ციკლების გამოყენებას; ფუნქციების შექმნასა და გამოყენებას; მასივებსა და ობიექტებთან მუშაობას.

მენტორების დახმარებით გაეცნობი ისეთ მნიშვნელოვან თემებს, როგორიცაა DOM manipulation, Event Handling, Async/Await, Promises, AJAX, Fetch API, ასევე ისწავლი მონაცემთა შენახვას localStorage-სა და cookies-ში.

კურსის ბოლოს იმუშავებ საფინალო პროექტზე, რომელიც მოგცემს შესაძლებლობას, ყველაფერი, რაც ისწავლე, პრაქტიკაში გამოიყენო.

პროექტის შესრულებისას მიიღებ მენტორების რეკომენდაციებსა და მხარდაჭერას. 

გარდა ამისა, გაეცნობი თანამედროვე სამუშაო გარემოში გამოყენებულ ინსტრუმენტებს, როგორიცაა NPM და მოდულური არქიტექტურა.

ვისთვის არის განკუთვნილი JavaScript-ის კურსი?

JavaScript-ის კურსი განკუთვნილია მათთვის, ვინც პროგრამირებაში ახლა იწყებს გზას და სურს Front-end დეველოპმენტში განვითარება. 

ის იდეალურია სტუდენტებისთვის, კარიერის შესაცვლელად მზადმყოფი ადამიანებისთვის, ან მათთვის, ვისაც უკვე აქვს საბაზისო ცოდნა HTML-ისა და CSS-ის მიმართულებით და უნდა, საკუთარი ვებსაიტები უფრო ინტერაქტიული და ფუნქციური გახადოს.

ასევე კურსი გამოადგება მათ, ვისაც სურს დაიწყოს კარიერა IT სფეროში, შეისწავლოს თანამედროვე ტექნოლოგიები და მოიპოვოს პრაქტიკული უნარები, რომლებიც მოთხოვნადია როგორც ქართულ, ისე საერთაშორისო ბაზარზე. 

კურსის მენტორები დაგეხმარებიან, რეალურ პროექტებზე მუშაობის გზით ჩამოყალიბდე პროფესიონალ დეველოპერად.

მენტორი:

ლუკა თავხელიძე

Lead Software Engineer

პროგრამირების მიმართ ინტერესი 2019 წელს გაუჩნდა. მისი პირველი სამუშაო გამოცდილება იწყება კომპანია Graey-ში, Back-End დეველოპერის პოზიციაზე, სადაც მუშაობდა სასწავლო და E-commerce პლატფორმებზე. 

შემდეგ შეუერთდა Winguard-ის გუნდს, Software Engineer-ად, სადაც დღემდე ქმნის ისეთ პროდუქტებს, რომლებიც ამარტივებს ადამიანების ყოველდღიურობას.

მის პორტფოლიოში შეხვდებით შემდეგი ტიპის პროექტებს: მენეჯმენტის ვებ აპლიკაცია, სხვადასხვა ტიპის ტრეიდინგ tool-ები, ტრეიდინგის ავტომატიზაცია,  ალგორითმული ანალიზი და სხვა.

ინდივიდუალური პროექტები: Stack Overflow-ს კლონი (Full stack), Spotify-ს კლონი (Full stack), Messenger-ის კლონი (Full stack) და ა.შ.

სწავლობს თბილისის სახელმწიფო უნივერსიტეტში, კომპიუტერული მეცნიერების განხრით.