თეიმურაზ ბარათაშვილი

თემო ბარათაშვილი

პროდუქტის დიზაინერი

,,ჩემი მიზანია, დავეხმარო დამწყებ დიზაინერებს დამოუკიდებლად შეძლონ დიზაინ გადაწყვეტილებების მიღება და საკუთარი დიზაინი შეაფასონ ობიექტურად”. 

პირველად საიტების აწყობა დაიწყო ბაკალავრიატზე სწავლის დროს. ზოგადად დიზაინით კი უნივერსიტეტში, გრაფიკული დიზაინის კურსის გავლისას, დაინტერესდა. ჯერ ლოგოების დიზაინი აინტერესებდა, შემდეგ – უშუალოდ გრაფიკული დიზაინი.

2016 წელს ისწავლა UI/UX დიზაინი, რის შემდეგაც ამ პროფესიით ძალიან დაინტერესდა და მაშინვე დაიწყო მუშაობა ციფრული პროდუქტების დიზაინზე.

პირველი სამუშაო ადგილი კომპანია ,,ლემონდუ” იყო, სადაც მუშაობდა როგორც აპლიკაციის, ისე – ვებგვერდების დიზაინზე. გარდა ამისა, ფონტის, ბილეთებისა და პოსტერების დიზაინზე და ა.შ. შემდეგ მუშაობდა “My.ge” ჯგუფში, “Myhome” – უძრავი ქონების საიტის დიზაინზე. ფრილანსერობის დროს კი მუშაობდა “ორი ნაბიჯის”, “ვენდისის” და “დანკინის” აპლიკაციებზე. ასევე, სხვადასხვა საიტიებისა და ვებ აპლიკაციების პროექტებზე.

2020 წლიდან მუშაობს ,,საქართველოს ბანკში” მობილური ბანკინგის აპლიკაციის დიზაინზე.

მის პორტფოლიოში შეხვდებით შემდეგ ბრენდებს: საქართველოს ბანკი, თიბისი ბანკი, ორი ნაბიჯი, tkt.ge, ss.ge, domenebi.ge, myhome.ge, Wendy’s & Dunkin, Caru.ge და სხვა. 

ინდივიდუალური პროექტები: logopedia.ge – სადაც აგროვებდა ქართული კომპანიების ლოგოების ვექტორულ ფაილებს და Design Mornings – რომლის ფარგლებშიც დილის 09:00 საათზე ატარებდა UI/UX დიზაინის გაკვეთილებს ონლაინ.