ინტერიერის დიზაინის კურსი

ინტერიერის დიზაინის კურსი

კურსის აღწერა

ინტერიერის დიზაინის კურსის განმავლობაში ისწავლი Archicad-ს ნულიდან. გაეცნობი ტექნიკურ და თეორიულ ნაწილს, საინტერესო არქიტექტორებს, დიზაინერებს და მათ ნამუშევრებს. გაიგებ, როგორ შეარჩიო ფერთა პალიტრა, განათება, ავეჯი და მასალა, როგორ აქციო ნებისმიერი სივრცე ადამიანის იდენტობის ნაწილად.

კურსი დაგეხმარება ინტერიერის დიზაინერად ჩამოყალიბებაში და ინდივიდუალური ხედვის ფორმირებაში. საბოლოოდ შეძლებ, რომ გადადგა პირველი ნაბიჯები ამ სფეროში და დასაქმდე დამწყები ინტერიერის დიზაინერის პოზიციაზე.

კურსის მენტორები

ანი კვაჭანტირაძე 

არქიტექტორი, ინტერიერის დიზაინერი 

“ჩემი მიზანი არის, თითოეულმა სტუდენტმა ინტერიერის დიზაინი აღიქვას, როგორც პროფესიად, მაგრამ ასევე ცოცხალ არსებად, რომელიც მათ გონებაში იქმნება და საბოლოოდ ცოცხლდება”. 

ამ სფეროს მიმართ ინტერესი სულ ჰქონდა. პატარა ასაკში ჩანახატები ყოველთვის დაკავშირებული იყო შენობებთან და ობიექტებთან, რაც მის გარშემო იყო განლაგებული. როცა უფრო მეტად გაიაზრა, რაც მოსწონდა, ქალაქში სიარულის დროს მისი დაკვირვების ობიექტი ყოველთვის იყო შენობები, ურბანული გარემო, რაც თბილისში და ასევე ქალაქგარეთ გასვლისას ჩნდებოდა ხედვის არეალში. 

2016 წელს ჩააბარა ტექნიკურ უნივერსიტეტში არქიტექტურის ურბანისტიკისა და დიზაინის ფაკულტეტზე და 2016 წლიდან დღემდე არის ამ სფეროში. 

უნივერსიტეტის პარალელურად სწავლობდა Archicad-ს Graphic Studio-ში და ასევე 2 წლის განმავლობაში იღებდა მონაწილეობას ინდივიდუალური სახლების პროექტირებაში. 

ამის შემდეგ 2 წლის განმავლობაში მუშაობდა სამშენებლო კომპანია Java-ში სატენდერო სკოლის პროექტებზე, შემდეგ კი – Archdesign-სა და ProDot-ში ავეჯის კონსტრუქტორად. 

2021 წლის ბოლოს გადაწყვიტა წასულიყო გერმანიაში, სადაც 2 წელი ცხოვრობდა. ამ პერიოდში მუშაობდა არქიტექტურულ ბიუროში და იღებდა კერძო დაკვეთებს ინტერიერის დიზაინის მიმართულებით. 

დაბრუნების შემდეგ დაიწყო მუშაობა Red Point-ში ექსტერიერის ვიზულიზატორის მიმართულებით. 

ამჟამად მუშაობს Medusa-ში ინტერიერის დიზაინერის პოზიციაზე. 

უმუშავია ისეთ პროექტებზე როგორებიცაა: მცხეთის არქეოლოგიური მუზეუმის პროექტი, საქართველოს რამდენიმე კუთხეში შემუშავებული საჯარო სკოლის პროექტები, გერმანიაში, ქალაქ კიოლნში საგამოფენო სივრცის დიზაინის შექმნა. ინდივიდუალური პროექტები: ქუთაისის ერთ-ერთი სკოლის 700კვ.მ ინტერიერის დიზაინი, სტომატოლოგიური კლინიკის ინტერიერის დიზაინის პროექტი, საცხოვრებელი სახლების პროექტები.

თათა სვანაძე

არქიტექტორი, ინტერიერის დიზაინერი

,,სტუდენტები ახალ აღმოჩენებს გააკეთებენ საკუთარ ხედვაში.“

ბავშვობიდან ზუსტად იცოდა, რომ არქიტექტორობა უნდოდა. სხვა პროფესიაზე არც უფიქრია. მისი ამ სფეროში მოღვაწეობა 2012 წლიდან იწყება. 

სწავლობდა საქართველოს ტექნიკურ უნივერსიტეტში არქიტექტურის, ურბანისტიკისა და დიზაინის ფაკულტეტზე. ბაკალავრის დასრულების შემდეგ მაგისტრატურა განაგრძო ლისაბონის უნივერსიტეტში, არქიტექტურის განხრით. სწავლის პარალელურად პრაქტიკას გადიოდა ლისი დეველოპმენტში.

მას შემდეგ უკვე დაიწყო ინდივიდუალურ პროექტებზე მუშაობა. 2019-2020 წლებში იყო სტუდია 9-ში, ინტერიერის დიზაინის მიმართულების ხელმძღვანელი. 2021 წელს დააფუძნა საკუთარი კომპანია FORMS STUDIO.

ხშირად ესწრება საერთაშორისო ვორქშოფებსა და ფესტივალებს. 2014 წელს, ფლორენციაში Romualdo Del Bianco-ს ფონდის მიერ ორგანიზებულ საერთაშორისო ვორქშოფში მიიღო მონაწილეობა. 2015 წელს ბულგარეთში, ქალაქ სოფიაში ტრიენალეს მონაწილე იყო.

უმუშავია ისეთ პროექტებზე, როგორიც არის: Kachreti Villa Ambassadori, ფრანგული კაფე Malongo, Apex Development-ის საოფისე სივრცეები, გურული ღვინოების მარნების დიზაინი, ქართული ღვინის კულტურის ცენტრი.

ინდივიდუალურად უმუშავია საცხოვრებელი სივრცეების, ბინების, აპარტამენტების დიზაინზე.

ინტერიერის დიზაინის კურსის სილაბუსი

Workshop 1

 ინტერიერის დიზაინის შემადგენელი სტილები

• ლექტორის გაცნობა
• ვინ არის ინტერიერის დიზაინერი. ფუნქცია-მოვალეობები
• ინტერიერის დიზაინის შემადგენელი სტილები
• დეტალები ინტერიერის დიზაინში. The details are not the details.They make the design

Workshop 2

საპროექტო სივრცის ანალიზი

• რა პუნქტებისგან შედგება ინტერიერის დიზაინის პროექტი
• კონტრასტული კონტექსტი ინტერიერის დიზაინში
• საპროექტო სივრცის ანალიზი, ნახაზის წაკითხვა.

Workshop 3

ტექნიკური ნაწილი

• სივრცითი დაგეგმარების საფუძვლები
• ავეჯის განაწილების გეგმა, ერგონომიკა
• სან-ტექნიკის ნახაზის გარჩევა. WC  ფურნიტურის სწორი  განაწილება არსებული სივრციდან გამომდინარე. ფურნიტურის და ჩასაშენებელი სისტემების სპეციფიკაცია

Workshop 4

 Archicad

• არქიკადში 2D ნახაზის შესაქმენლად საჭირო ინფორმაციის შეგროვება
• არქიკადში 2D  ნახაზის დახაზვა
• ნახაზის ვიზუალურ-ესთეტიური მხარე

Workshop 5

Archicad , ინტერიერის დიზაინის ტექნიკური დეტალები

•  WC- ში არსებული სივრციდან გამომდინარე, რამდენიმე სხვადასხვა ტიპის კონცეფციის მოფიქრება ფურნიტურის განაწილების თვალსაზრისით, შემდეგ არქიკადში დახაზვა და ცენტრების გამოტანა გეგმაზე
• სამზარეულოს სწორი დაგეგმარება, დახაზვა და მისი ესთეტიური მხარე
• გათბობა-კონდიცირების წერტილების განსაზღვრა არსებულ სივრცეში

Workshop 6

 ინტერიერის დიზაინის შემადგენელი ბრენდები.  ელექტროობის ნახაზი

• იატაკის გეგმის დახაზვა. იატაკის მოსაპირკეთებელი მასალების სპეციფიკაცია, ვიზუალური და ტექნიკური მხარე.
• ინტერიერის დიზაინის შემადგენელი ბრენდების განხილვა და შექმნის ისტორია
• ელექტროობის ნახაზი

Workshop 7

Adobe Photoshop

• Adobe Photoshop- ში რეფერანსების აწყობა
• პრაქტიკული დავალება
• Moodboard – ტიპები
• Adobe Photoshop – ში  Moodboard- ის აწყობა 

Workshop 8

პრეზენტაციის აწყობა

• კურსის განმავლობაში ნასწავლი მასალის გამეორება
• ნახაზის გადატანა პლანშეტზე, მასშტაბში
• პრეზენტაციის აწყობა
• საფინალო ნამუშევრის პროცესის შეფასება, დავალების განხილვა, დახვეწა

Workshop 9

 კომუნიკაცია

• განსხვავება შემოქმედებით  და კომერციული პროექტს შორის
• დიზაინერი, დამკვეთი, მშეენებელი – სწორი კომუნიკაცია
• პროექტის დაგეგმვის სწორი მენეჯმენტი
• საფინალო ნამუშევრის პროცესის შეფასება, დავალების განხილვა, დახვეწა

Workshop 10

 დასკვნითი ლექცია

• საფინალო პროექტის წარდგენა, განხილვა
• ინტერიერის დიზაინი – სამომავლო პერსპექტივები