ინტერიერის 3D ვიზუალიზაციის კურსი
კურსის აღწერა
კურსის განმავლობაში ისწავლი 3ds max პროგრამას. გაიგებ, როგორ უნდა შექმნა ფოტორეალისტური ინტერიერის დიზაინი. გაეცნობი სწორი პრინციპებით მუშაობას, ტექსტურების, კამერისა და განათების გამოყენებას, სარენდერო ეფექტებს.
კურსის დასრულების შემდეგ შეძლებ ინტერიერის რენდერების მომზადებას და მოდელირებას. ეს ყველაფერი დაგეხმარება, რომ დამკვეთს წინასწარ წარუდგინო პროექტი ზუსტად ისეთი ვიზუალით, როგორიც ეს საბოლოო ინტერიერის შემთხვევაში იქნება.
კურსის მენტორები
დაჩი ხაზალია
დაჩი ხაზალია
ინტერიერის დიზაინერი / 3D გრაფიკოსი
“მჯერა, რომ ყველა ადამიანს გააჩნია შემოქმედებითი ხედვა, რომლის გამოვლინებაც ხდება დისციპლინისა და საკუთარ თავზე მუშაობის შედეგად”.
2017 წლიდან დაიწყო ინტერიერის დიზაინის სამყაროს გაცნობა. სწავლობდა თბილისის სახელმწიფო სამხატვრო აკადემიაში, ავეჯის დიზაინის მიმართულებით და წარმატებით დაასრულა მაგისტრატურაც. მანამდე კი წარმატებით გაიარა ანასტასია ვირსალაძის სახელობის ხელოვნების გიმნაზიის ექვსწლიანი პროგრამა.
2018 წელს დაიწყო 3ds Max-ის შესწავლა, რაც მალე გადაიზარდა პროფესიულ საქმიანობაში.
2019 წლიდან მუშაობს ინტერიერის დიზაინისა და 3D ვიზუალიზაციის მიმართულებით.
2019 წელს მონაწილეობა მიიღო ფერწერის საერთაშორისო ვორქშოფში სლოვაკეთში, ხოლო 2022 წელს – ზალცბურგის საერთაშორისო დიზაინის კვირეულში (International Design Week Kuchl 2022).
2020 წელს შეუერთდა Meti Development-ის გუნდს, სადაც დააგროვა მნიშვნელოვანი პრაქტიკული გამოცდილება როგორც ინტერიერის, ასევე არქიტექტურის დიზაინის მიმართულებით.
2022 წლიდან მუშაობდა Apart Showroom-ში ინტერიერის დიზაინერად, სადაც ქმნიდა როგორც კერძო საცხოვრებლების, ისე აპარტამენტების დიზაინს.
2024 წლიდან დღემდე საქმიანობს კომპანია Archi-ში 3D გრაფიკოსის პოზიციაზე.
უმუშავია ისეთ პროექტებსა და ბრენდებზე როგორებიცაა: Kraken, Apart Group, MS Builder, Green Development, Grill More, Momentus Development და სხვა.
კურსის სილაბუსი
Workshop 1 – შესავალი
- საჭირო პროგრამების დაყენება
- 3D Max-ის მიმოხილვა და მისი დანიშნულება ინტერიერის ვიზუალიზაციაში
- 3D Max-ში მუშაობის პრინციპები (სცენაში მოძრაობა, ობიექტების გადაადგილება)
- მონიშვნის პრინციპები
- 3D Max ინტერფეისი
Workshop 2 – მარტივი ობიექტები
- ლეიერებზე მუშაობა
- რენდერის პარამეტრები
- მარტივი ობიექტების შექმნა
- მოდიფიკატორების განხილვა
- არსებული ტექსტურების გამოყენება ბილიოთეკიდან
დავალება: მარტივი ობიექტებითა და მათზე მოდიფიკაციით სამგანზომილებიანი კომპოზიციის შექმნა
Workshop 3
- მოდიფიკატორების ზემოქმედება ობიექტზე
- ხაზების შექმნა და მათი გამოყენება
- კამერის პარამეტრების მიმოხილვა
- განათებების მიმოხილვა
- არსებულ სცენაში კამერის და განათების გამოყენება
დავალება: არსებულ სცენაში განათების დაყენება და რენდერის გაკეთება
Workshop 4
- ვირეი მატერიალის განხილვა
- სხვადასხვა მატერიალების შექმნა
- სარენდერო ეფექტების განხილვა
Workshop 5
- პოლიგონალური მოდელირების განხილვა
- პოლიგონალური მოდელირების ზემოქმედება ობიექტზე
- სამზარეულოს მოდელირება
დავალება: სამზარეოულოს მოდელირება,ბიბლიოთეკიდან შემოტანილი ობიექტების პოლიგონებით მოდიფიკაცია
Workshop 6
- ავეჯის მოდელირება
- ინტერიერის სცენის 3ds max-ში შემოტანა და დამუშავება
- პლაგინები: relink,prune,copy და floor generator
- Vray-ის განვრცობილი მატერიალების განხილვა
დავალება: სამზარეულოს სრული ინტერიერის რენდერი
Workshop 7
- HDRI ის დაყენება
- ARCHICAD ში აწყობილი გეგმარების 3Dmax-ში შემოტანა
- ნახაზის მიხედვით 3ds max -ში გეგმის შექმნა.
- Corona ობიექტების vray ობიექტებად კონვერტაცია
- დაკარგული ტექსტურების აღდგენა
დავალება: აქსონომეტრიული რენდერის გაკეთება
Workshop 8
- კამერების დაყენება ინტერიერში
- ყალბი განათებების გამოყენება ინტერიერში
- სცენი საბოლოო რენდერისთვის მომზადება
- საბოლოო სცენის სწორი ექსპორტი
დავალება: სამზარეულოს ინტერიერის მოწყობა, რენდერი და სამუშაო ფაილის ექსპორტი
Workshop 9
- სველი წერტილის განხილვა
- სველწერტილში კამერების განლაგების პრინციპები
- სველიწერტილის განათების პრინციპები
- პროქსი ფაილი
- 360 რენდერი
დავალება: სველი წერტილის რენდერი: 3 ხედი და 360 გრადუსიანი
Workshop 10
- საფინალო დავალების შეფასება
- რენდერის PHOTOSHOP-ში დამუშავება
- სამომავლო რჩევები და რეკომენდაციები
