ქოფირაითინგის კურსი

მარიამ ჩარგაზია არის უფროსი ქოფირაითერი, რომელიც 2017 წლიდან აქტიურად მოღვაწეობს კრეატიულ ინდუსტრიაში. ამჟამად იგი წამყვან კრეატიულ სააგენტო Windfor's Tbilisi-ში მუშაობს და პარალელურად საგანმანათლებლო საქმიანობასაც ეწევა, სადაც სტუდენტებს იდეების გენერირებასა და სხვადასხვა პლატფორმისთვის ტექსტების შექმნას ასწავლის.

მისი ექსპერტიზის ძირითადი სფეროებია: სარეკლამო და კრეატიული ქოფირაითინგი, სარეკლამო კამპანიების კონცეფციების შემუშავება, სლოგანებისა და თეგლაინების მოფიქრება, ნეიმინგი (ბრენდის სახელის შექმნა) და ბრენდის კომუნიკაციის სტილისა თუ ტონის (Tone of Voice) განსაზღვრა.

მარიამმა განათლება თბილისის სახელმწიფო უნივერსიტეტში, ქართული ფილოლოგიის მიმართულებით მიიღო. მისი მრავალფეროვანი პორტფოლიო მოიცავს მუშაობას როგორც მსხვილ ადგილობრივ, ისე საერთაშორისო ბრენდებთან, მათ შორის არიან საქართველოს ბანკი, Wolt, მაკდონალდსი, სილქნეტი, ზუმერი, ირაო და Adjara.com. მას ასევე ეკუთვნის საინტერესო კოლაბორაციული პროექტები, როგორიცაა სააგენტო Two Point Zero-სთან ერთად შექმნილი წიგნის რეკომენდატორი ბოტი „ბიბლიოტექი“.