,,ვურჩევდი, თქვენი აკადემია აირჩიონ, რადგან საუკეთესო მენტორები გყავთ და სწავლის ხარისხი ძალიან მაღალ დონეზეა.”

დღეს სალომე სონიშვილი მოგიყვებათ საკუთარი გამოცდილების შესახებ. მან აკადემიაში სოციალური მედიის კურსი გაიარა და მალევე დასაქმდა.

-თქვენ შესახებ მოგვიყევით რამდენიმე სიტყვით…

მე ვარ სალომე სონიშვილი, ჟურნალისტი. 15 წელი სხვადასხვა სატელევიზიო არხებზე ვიმუშავე კორესპონდენტად. ყოველთვის მაინტერესებდა სოციალური მედია, სწორედ ამის გამო გადავწყვიტე ციფრული ხელოვნება საფუძვლიანად შემესწავლა.

-როგორ მოხვდით ციფრული ინდუსტრიის აკადემიაში?

გავიარე Google-ის ონლაინ კურსები „ციფრული მარკეტინგის საფუძვლებში“. ამის შემდეგ უფრო დეტალური ცოდნა მჭირდებოდა სოციალური მედიის მართვის მიმართულებით. თქვენს შესახებ Facebook გვერდიდან გავიგე, სწორედ ასე მოვხვდი ციფრული ინდუსტრიის აკადემიაში.

-რომელი კურსი გაიარეთ ჩვენთან და რა მოგცათ ამ კურსმა?

მე გავიარე სოციალური მედიის კურსი ვერა თოხაძესთან. აღვნიშნავ, რომ მენტორი საუკეთესო იყო. ის კურსის დასრულების შემდეგაც მრავალ საკითხში დამეხმარა.

-სად ხართ ამჟამად დასაქმებული?

ამჟამად, ვარ საქართველოს კულტურის, სპორტისა და ახალგაზრდობის სამინისტროს სსიპ „ახალგაზრდობის სააგენტოში“ საზოგადოებასთან ურთიერთობის მენეჯერად.

-რა როლი ითამაშა აკადემიამ თქვენს დასაქმებაში?

ის ინტერესი, რომელიც ჟურნალისტიკასთან ერთად ყოველთვის მქონდა, სწორედ აკადემიის მეშვეობით დღეს ჩემს მეორე პროფესიად ვაქციე.

-ციფრულ სამყაროში დასაქმების მსურველებს რას ურჩევდით?

ვურჩევდი თქვენი აკადემია აირჩიონ, რადგან საუკეთესო მენტორები გყავთ და სწავლის ხარისხი ძალიან მაღალ დონეზეა.