fbpx

ნიკა ზურაბაშვილის ისტორია: ქოფირათინგის და SEO/SEM კურსებიდან SEO-ქოფირაითერობამდე

თარიღი: 9 July, 2024

გიზიარებთ ჩვენი კურსდამთავრებულის ნიკა ზურაბაშვილის ისტორიას, რომელმაც აკადემიაში ჯერ ქოფირაითინგის შემდეგ კი SEO/SEM-ის კურსები გაიარა. ახლა კი SEO-ქოფირაითერია MyDataNinja-ში. 

კრეატივი და ხალხთან კომუნიკაცია ჩემი ცხოვრების ძალიან დიდ ნაწილს იკავებდა და ახლაც იკავებს, მაგრამ გადმოცემის პრობლემა სულ მქონდა. საბოლოოდ მივხვდი, რომ ჩანაწერების გაკეთების დროს, ჩემი გონება და აზრები წყნარდებოდა, ჩემი იდეები კი უფრო დალაგებული ხდებოდა. ამიტომ მივხვდი, რომ ქოფირაითინგი, რასაც მე უბრალოდ კრეატიულ წერას ვეძახი, ჩემი პროფესია უნდა გამხდარიყო.

ციფრული ინდუსტრიის აკადემია გონებაში ყოველთვის მიტრიალებდა დიდი ალბათობით კარგი მარკეტინგული კამპანიების გამო, ამიტომ როდესაც სწავლა გადავწყვიტე, ზედმეტი ფიქრიც არ დამჭირვებია, ისე ავირჩიე ეს აკადემია.

პირველი კურსი ქოფირაითინგის იყო, მეორე კი – SEO/SEM-ის. ქოფირაითინგის კურსი ჩემთვის ძალიან მნიშვნელოვანი ნაბიჯი იყო. კურსის განმავლობაში ვისწავლე იდეების დაგეგმარება, წარმატებული კამპანიების შექმნა, სწორი ბლოგების წერა და სხვა მრავალი საინტერესო დეტალი. საბოლოოდ SEO/SEM ის კურსი ჩემთვის საბედისწერო აღმოჩნდა, ძალიან საინტერესო კურსი ძალიან მაგარი ლექტორებით. სწორედ ერთ-ერთმა ლექტორმა, დიმიტრიმ მომცა დასაქმების შესაძლებლობა და ახლა ერთად, ერთ მაგარ კომპანიაში ვმუშაობთ.

ამ ეტაპზე დასაქმებული ვარ MyDataNinja-ში (MyDataNinja.com), როგორც SEO-Copywriter.

ჩემს დასაქმებაში აკადემია ამაზე პირდაპირ როლს ალბათ ვერც ითამაშებდა, პირდაპირ ლექტორმა დამასაქმა და ბევრი შესაძლებლობაც მომცა.

ციფრულ სამყაროში დასაქმების მსურველებს ერთ რამეს ვეტყოდი. დანებება არ უნდა იყოს თქვენი ვარიანტი, თქვენს გეგმაში დამარცხებას ნუ შეიტანთ. ასევე კრეატიულ სფეროში ბევრი კავშირია საჭირო, ეცადეთ არა მარტო ონლაინ, (მაგალითად ლინკდინზე) არამედ რეალურ ცხოვრებაშიც ბევრი კავშირი შექმნათ. გამართეთ პროფილები, არაფრის არ შეგრცხვეთ და მოგერიდოთ. 

წარმატებები!