პანდემიამდეც და პანდემიის პერიოდში კიდევ უფრო კარგად გამოჩნდა, თუ რამხელა ფიზიკური თუ მორალური შრომის გაწევა უწევთ იმ ადამიანებს, რომლებიც ჯანმრთელობაზე ზრუნავენ. აქედან გამომდინარე, დაფასების ერთ-ერთ მნიშვნელოვან მიმართულებად განვსაზღვრეთ ამ ისტორიების მოყოლა ფართო სეგმენტისთვის და მათთვის მადლობის გადახდის შესაძლებლობის მიცემა.

ამ შესაძლებლობის მისაცემად, შევქმენით პლატფორმა, რომელზეც შესაძლებელია ნახოთ ქსელის მასშტაბით ჩართული 13 ჰოსპიტლის ყველა მედპერსონალი, რომელიც COVID პაციენტებს ემსახურება. ასევე მუდმივად ახლდება გამოჯანმრთელებული პაციენტების რაოდენობაც. პლატფორმა აერთიანებს მედპერსონალის წინა ხაზის ისტორიებს.

პროექტის მთავარი შინაარსი კი პლატფორმის ფუნქციონალშია – რომელიც გულისხმობს მედპერსონალის მიმართ მადლობის გამოხატვის სამ ფორმას: ტაშის, მესიჯის გაგზავნის, წერილის სამსახურში მიწერის სახით, რასაც თავად პლატფორმა უზრუნველყოფს.

პროექტის იდეა დაიბადა ჰოსპიტლების რეალური ამბებიდან, რომელიც შიგნით ტრიალებს, მაგრამ გარეთ არ ისმის. უამრავი შემთხვევა იყო, როდესაც მადლიერი პაციენტები ყველა შესაძლო ხერხს მიმართავდნენ მედპერსონალისთვის მადლობის გადასახდელად: წერდნენ წერილებს, ხშირად, პალატაში მათ ხელთ არსებულ ნივთებზეც ტოვებდნენ სამადლობელ წარწერებს, Facebook ში კომენტარების, ინბოქსის სახით გვეხმიანებოდნენ რომ გადაგვეცა მათი მადლიერება შესაბამისი ადრესატისთვის და ა.შ.

ვიფიქრეთ რომ პირველ რიგში საჭირო იყო ამ დაგროვილი მადლიერების მოყოლა – ისტორიების სახით, რომ ყოფილიყო გასაგები, მადლიერების დაგროვების მიზეზი და შემდეგ უკვე ამ მადლობების ერთიან სივრცეში, ერთ პლატფორმაზე თავმოყრა, რომელიც იქნებოდა პირდაპირი კავშირის შესაძლებლობა მადლობის ადრესატ მედპერსონალთან.

პროექტის მიზანი რა თქმა უნდა ამ ისტორიების მოყოლაა, რომელიც ხშირად დაუჯერებელია. მთავარი მიზანი ალბათ მაინც საკომუნიკაციო პლატფორმის შექმნა იყო, სადაც ერთის მხრივ პაციენტი საკუთარი მადლიერების სათქმელს დაიკმაყოფილებს და მედპერსონალი – რომელთათვისაც გამხნევებას რეალურად აქვს ძალიან დიდი ძალა.

ჩვენი მოლოდინის გამართლება ამ პროექტის ჭრილში, მხოლოდ მედპერსონალის კმაყოფილებაში იზომება. ეს კმაყოფილება კი ძალიან ბუნებრივად წამოვიდა მათი მხრიდან, რაც ყველაზე მეტად სასიამოვნოა.

რეალურად, პროექტი მხოლოდ ახლა დაიწყო. ჯერ 1 კვირაც არ არის გასული პროექტის დალანჩვიდან და გამოხმაურება იმაზე უკეთესია, ვიდრე ველოდით. აქედან გამომდინარე, არის მზაობა რომ ეს პროექტი გაგრძელდეს ძალიან დიდი ხნით, რადგან ძალიან ბევრი ისტორია ელოდება მოყოლას და ხალხამდე მიტანას. ბევრი კი ჯერ კიდევ პროცესშია. ასე რომ, სანამ ეს ასე იქნება, პროექტიც გაგრძელდება.

ილუსტრაცია – დეა კალანდია

ილუსტრაცია – ანა თოდუა

ილუსტრაცია – ანა შევარდნაძე 

ილუსტრაცია – ალექსანდრე ვართაპეტოვი

ილუსტრაცია – ალექსანდრე ყოჩაშვილი