მე ვარ თეონა გალდავა, 27 წლის, ციფრული ინდუსტრიის აკადემიის კურსდამთავრებული, გრაფიკული დიზაინის მიმართულებით.

მრავალი წელია ვუყურებ, როგორ ვითარდება და როგორი აქტუალური ხდება ციფრული სამყარო, ამან კი დიდი ხანია ჩემში ინტერესი გამოიწვია და გადავწყვიტე მეც გავმხდარიყავი ამ სამყაროს უფრო აქტიური ნაწილი.

დიდი ხანი ვეძებდი ისეთ აკადემიას, სადაც მივიღებდი საფუძვლიან და საჭირო ცოდნას. ინტერნეტში მოპოვებული სანდო ინფორმაციით და ასევე უშუალოდ მეგობრის რეკომენდაციით, გადავწყვიტე ციფრული ინდუსტრიის აკადემია.

გავიარე გრაფიკული დიზაინის კურსი, რომელმაც კიდევ უფრო გაზარდა ჩემი ამ სფეროსადმი ინტერესი და საკუთარი თავი განვითარების სურვილი ზოგადად ციფრულ სამყაროში.

მნიშვნელოვანი უნარი, რომელიც კურსის მეშვეობით შევიძინე არის თავდაჯერებულობა და მუდმივად მუშაობის სურვილი.

ჩემი მენტორი იყო ქეთი შალუტაშვილი, რომელმაც ამ სფეროსადმი ინტერესი და სიყვარული გამიორმაგა.

დამწყებ დიზაინერებს ვურჩევდი, რომ არ შეუშინდნენ სიახლეებს, არ იფიქრონ, რომ რაიმეს სწავლისთვის გვიანია, იყვნენ მაქსიმალურად ჩართულნი ამ სფეროში და მუდმივად ეძებონ ინსპირაცია.

ფინალურ პროექტზე მუშაობისას გამიჩნდა სურვილი შემექმნა ლოგოს დიზაინი და ბრენდინგი.