ლიკა მღებრიშვილი ჩვენი ერთ-ერთი წარმატებული კურსდამთავრებულია. მან გრაფიკული დიზაინის 2 თვიანი კურსი გაიარა და 14 ვორქშოპის შემდეგ წიგნის ილუსტრაცია შექმნა. 

ჩემს თავს ყოველთვის შემოქმედებით პროფესიაში ვხედავდი, გრაფიკული დიზაინისადმი ინტერესი სულ მქონდა და ერთ დღეს უბრალოდ გადავწყვიტე მეცადა. ბევრი არ მიფიქრია, სად ვისწავლიდი და ციფრული ინდუსტრიის აკადემიაში ავიღე კურსი.

მთავარი რაც ამ კურსმა მასწავლა: სასურველი მიმართულების პოვნა და სტილის ჩამოყალიბება, ასევე ბაზარზე პოზიციონირება, როგორც დიზაინერი და დამკვეთებთან ურთიერთობა, რაც ამ პროფესიაში ყველაზე მნიშვნელოვანია. ამისათვის მადლობას ვუხდი ლექტორ ქეთის, რომელიც ამომწურავად ხსნიდა მასალას და გვიზიარებდა საკუთარ გამოცდილებას.

ჩემი ფინალური ნამუშევრის შთაგონების წყარო ჩემი ძმისშვილი ტიტეა, რომელიც წიგნის მთავარი პერსონაჟის მსგავსად პატარა ბიჭუნაა, რომელიც სხვა ქვეყანაში ახალ ცხოვრებას იწყებს.

კურსზე ნასწავლი მასალა დამეხმარა პროექტის ვიზუალიზაციაში და საბოლოო ეტაპამდე მიყვანაში.