მომხმარებელს სათქმელი სხვადასხვა გზით შეგვიძლია ვუთხრათ. ეს შეიძლება იყოს ტექსტუალური ან ვიზუალური გზა. სანამ არჩევანს გააკეთებდე, გახსოვდეს, რომ მოძრავი გრაფიკა, იგივე Motion Design ამბის თხრობის უნიკალური საშუალებაა, რატომ? – ამაზე ქვემოთ გეტყვით.
იპყრობს მაყურებლის ყურადღებას
მოძრავი გრაფიკა მარტივად იპყრობს მაყურებლის ყურადღებას. სტატიკური სურათი, პოსტი, სტატია ან ნებისმიერი სხვა სახის კონტენტი ყოველთვის შეიძლება ყურადღების მიღმა აღმოჩნდეს, რასაც ვერ ვიტყვით მოძრავ გრაფიკაზე. ის დანახვისთანავე ყურადღების ცენტრში ხვდება და ხანგრძლივად რჩება მაყურებლის მეხსიერებაში.
გეხმარება ამბის საინტერესოდ თხრობაში
ადამიანის ბუნებრივი რეაქციაა ხმაზე, გამოსახულებაზე, მოქმედებაზე რეაგირება. ამბის თხრობა მუსიკის, ვოისოვერის და მოძრავი ვიზუალის ერთობლიობით ბევრად საინტერესოა.
ხელს უწყობს ინფორმაციის მყისიერად დამუშავებას
MIT-ის კვლევამ აჩვენა, რომ ვიზუალური კომუნიკაციის დროს ადამიანის ტვინი ინფორმაციას მყისიერად ამუშავებს და იმახსოვრებს. ნებისმიერი საკითხის გაგება უფრო მარტივია თუ მას ვიზუალურად აღიქვამ.
სწორედ ამიტომ იყენებენ სქემებს, პრეზენტაციებს, ინტერაქტიულ გრაფიკას სასწავლო პროცესის დროს. მოძრავი გრაფიკა უზრუნველყოფს რთული ინფორმაციის მარტივი ფორმით მიწოდებას.
საჭიროებს მინიმალურ დროს
მოძრავი გრაფიკა ხანგრძლივობით 30 წამიდან 3 წუთამდე გრძელდება, ეს კი საუკეთესო შესაძლებლობაა მაშინ, როდესაც დროში ხართ შეზღუდული. 2015 წელს Facebook-ის მიერ ჩატარებული კვლევის თანახმად, თუნდაც მხოლოდ 10 წამის განმავლობაში ვიდეოს ყურება დაგეხმარებათ ბრენდის შესახებ ინფორმაციის მოპოვებაში.
ის რისი ახსნისთვისაც 1500 სიტყვიანი ტექსტი შეიძლება დაგჭირდეს, მოძრავი გრაფიკა ამას მხოლოდ ერთ წუთში შეძლებს.
თუ გსურს, სამიზნე აუდიტორიამდე კონკრეტული ინფორმაცის მიტანა გამოიყენე მოძრავი გრაფიკა, რაც გაგიმარტივებს ამ პროცესს.