-ჩემ შესახებ..

ანა სარალიძე, 26 წლის. დავამთავრე ილიას სახელმწიფო უნივერსიტეტი, სოციოლოგიის ფაკულტეტი. ამჟამად ვმუშაობ სამშენებლო კომპანია m2-ში.

-როგორ მოვხვდი ციფრული ინდუსტრიის აკადემიაში..

დიდი ხანია ვადევნებ თვალს თქვენს კურსებს და როგორც კი დრო გამომიჩნდა, მაშინვე გადავწყვიტე ინტერიერის დიზაინის კურსის გავლა და ძალიან კმაყოფილი ვარ ჩემი გადაწყვეტილებით.

-რატომ ციფრული ინდუსტრიის აკადემია?

ჩემთვის პირადად, ქართულ ბაზარზე კვალიფიციური კადრებით დაკომპლექტებული ყველაზე ხელმისაწვდომი აკადემიაა.

-რატომ ინტერიერის დიზაინი?

სულ მინდოდა ამ სფეროსთან გადაკვეთა და ჩემი m2-ში საოცარ დიზაინერებთან მუშაობის პერიოდში კვლავ გამიჩნდა ინტერიერის დიზაინის შესწავლის სურვილი და ვფიქრობ, რომ ჩემი თავი ვიპოვე.

-შთაბეჭდილებები ინტერიერის დიზაინის კურსის შესახებ..

კურსი იყო ნამდვილად პროდუქტიული. 8 ლექციაში შევძელი რეალური პროექტის შესრულება და საკუთარი შედეგის დანახვა, რომელიც შეუძლებლად მიმაჩნდა დასაწყისში. საბოლოო ლექციის დროს მივხვდი, რომ ძალიან ბევრი გაქვთ ნამუშევარი კურსზე და ეს ნამდვილად დასაფასებელია.

-მნიშვნელოვანი უნარი, რომელიც კურსის მეშვეობით შევიძინე..

შრომისმოყვარეობა და მუშაობის დროს სიამოვნების მიღება.

-ლექტორი..

ანკას როცა უსმენ, რწმუნდები, რომ იმდენად უყვარს თავისი საქმე შეუძლია დაუღალავად გესაუბროს და გასწავლოს. ითხოვს მაქსიმუმს და გიხსნის ყველა დეტალს მარტივად და დაუღალავად.

-რჩევა დამწყებ დიზაინერებს.

არ შეუშინდნენ ცვლილებებს. მუშაობის პროცესში არ დაბლოკონ ახალი იდეები, რადგან შეიძლება ზუსტად მაგ დროს გაეპაროთ ნამუშევრის იდეალური ვარიანტი.

-ფინალური ნამუშევრის შთაგონების წყარო..

საბოლოო ნამუშევრის ინსპირაციის წყარო იყო რეალური პიროვნება, ვის გემოვნებას და ხედვებსაც მოვარგე ინტერიერი.