დეველოპმენტის სწავლა რთული პროცესია!

გსმენია მსგავსი ფრაზა? – ალბათ, კი. ნუ მოექცევი მისი გავლენის ქვეშ.

შევეცდები სულ მცირე 4 მიზეზის დახმარებით გაგაცნო ამ მიმართულების უპირატესობები და დაგარწმუნო, რომ ამ სფეროს შესწავლა სირთულეს არ წარმოადგენს:

#1 – ვებ დეველოპერი ყველაზე მაღალანაზღაურებად პროფესიებს შორის ერთ-ერთია

დეველოპერები დიდ ბრიტანეთში წელიწადში საშუალოდ 60, 000 ევრომდე გამოიმუშავებენ, ხოლო აშშ-ში 120,000 დოლარამდე. დეველოპერის საქმიანობა ნამდვილად დაფასებულია, ამიტომაცაა ის 10 ყველაზე მაღალანაზღაურებად პროფესიას შორის ერთ-ერთი.

#2 – აქ არ არსებობს ორი ერთნაირი დღე

ტექნოლოგიები კრეატიული ადამიანებისთვის საუკეთესო ადგილია. კოდის წერა მოითხოვს დეტალების გააზრებას, ყურადღებას, მუდმივად ახალ დავალებებთან და პრობლემებთან გამკლავებას, ამ პროცესში კი სულ რაღაც ახალს სწავლობ და ვითარდები. მოკლედ რომ ვთქვათ მუდამ განვითარების და კრეატივის ძიების პროცესში ხარ, ამიტომ არ არსებობს ორი ერთნაირი დღე.

#3 – ვებ დეველოპერების მიმართ მოთხოვნა მაღალია

ყველა კომპანიას სჭირდება გამართული ვებგვერდი, ამიტომ ამ პროცესში დეველოპერის ჩართულობა აუცილებელია. Indeed.com-ის მიერ ჩატარებულმა კვლევამ აჩვენა, რომ კომპანიებს ძალიან უჭირთ დეველოპერის მოძებნა, რადგან ამ მიმართულებით მომუშავე ადამიანების რიცხვი სხვა პროფესიებთან შედარებით ძალიან მცირეა, მოთხოვნა კი მაღალია.

იმ შემთხვევაში, თუ ზუსტად არ იცი არის თუ არა ვებ დეველოპმენტი შენი თავის გამოხატვის საუკეთესო საშუალება, შეგიძლია ციფრული ინდუსტრიის აკადემიის უფასო საკონსულტაციო შეხვედრის საშუალებით გაარკვიო, თუ რომელი მიმართულება შეგეფერება ყველაზე მეტად.

#4 – შენ არ გჭირდება ბაკალავრის დიპლომი

ყველას შეუძლია გახდეს დეველოპერი, მთავარია სურვილი და დაინტერესება. შენ დიპლომის გარეშეც შეგიძლია იმუშაო საუკეთესო კომპანიაში. შეგიძლია გაიარო კურსი, დაეუფლო ამ პროფესიას და იმუშაო საკუთარი უნარების გაუმჯობესებაზე.

თუ შეძლებ, რომ ჩამოყალიბდე პროფესიონალ დეველოპერად, ნებისმიერ კომპანიას მოუნდება შენთან თანამშრომლობა და ის ფაქტი, რომ დიპლომი არ გაქვს მოთხოვნის მიღმა დარჩება.