აირჩიე 6 სკოლის 50-მდე კურსიდან შენთვის ყველაზე საინტერესო და შეიძინე პრაქტიკული უნარები ციფრული მიმართულებით.
დარეგისტრირდი - ადგილები შეზღუდულია
სოციალური მედიის კურსი
560₾
1
700₾
მარიამ ჭყონია
სოციალური მედიის კურსის განმავლობაში გაიგებ, როგორ უნდა შექმნა სოციალური მედიის სტრატეგია, როგორ უნდა დაწერო კონკურენტუნარიანი კონტენტი სხვადასხვა პლატფორმებისთვის, როგორ წარმართო Facebook-სა და Instagram-ზე სწორი მარკეტინგული კამპანიები. კურსის მანძილზე მენტორი განიხილავს ისეთ საკითხებს, როგორიც არის: კონტენტ მენეჯმენტი, ქომუნითი მენჯემენტი, Business Manager, Facebook Pixel, თარგეთირება და სხვა.ამ ყველაფრის დახმარებით შენ დამოუკიდებლად შეძლებ, რომ შეიმუშაო საკომუნიკაციო და სარეკლამო სტრატეგია. გაიგებ, როგორ უნდა გაზარდო ბიზნესი სოციალური მედიის დახმარებით.რატომ უნდა აირჩიო სოციალური მედიის კურსი?სოციალური მედიის მენეჯმენტი დღეს არ არის მხოლოდ კონტენტის გამოქვეყნების ადგილი — ეს არის ყველაზე ძლიერი არხი ბიზნესისა და პირადი ბრენდის გასაზრდელად. ჩვენი სოციალური მედიის კურსი დაგეხმარება ზუსტად გაიგო, როგორ შექმნა შედეგზე ორიენტირებული სტრატეგია, როგორ დაგეგმო კონტენტი სხვადასხვა პლატფორმებისთვის და როგორ მართო ეფექტური კამპანიები Facebook-სა და Instagram-ზე.კურსის განმავლობაში მენტორები გაგიზიარებენ რეალურ გამოცდილებას — ისწავლი როგორ უნდა მართო Meta Business Suite, როგორ უნდა გამოიყენო Facebook Pixel, როგორ ააწყო მიზნობრივი სარეკლამო კამპანიები და როგორ გაზომო მათი შედეგი. ყურადღება გამახვილებულია არა მხოლოდ ტექნიკურ ცოდნაზე, არამედ კომუნიკაციის სტრატეგიაზე, აუდიტორიის ანალიზსა და ბრენდის ტონზე.რას ისწავლი კურსზე?შეისწავლი სოციალური მედიის სტრატეგიის შექმნას, სამიზნე აუდიტორიის იდენტიფიცირებას და კონტენტ კალენდრის დაგეგმვას. გაიგებ როგორ უნდა შექმნა კონკურენტუნარიანი პოსტები, როგორ გამოიყენო ვიდეო და ვიზუალური ელემენტები ბრენდის გაძლიერებისთვის. ასევე შეისწავლი რეკლამის საფუძვლებს Meta პლატფორმებზე, მისი ფორმატების თავისებურებებს და გაიგებ როგორ შექმნა ისეთი კამპანიები, რომლებიც რეალურად ზრდის გაყიდვებს და აუდიტორიის ჩართულობას.ვისთვის არის განკუთვნილი სოციალური მედიის კურსი?სოციალური მედიის კურსი განკუთვნილია დამწყები მარკეტერებისთვის, სტუდენტებისთვის, ბიზნესის მფლობელებისა და კონტენტ კრეატორებისთვის, რომლებიც სურთ სოციალური მედიის მართვის, სარეკლამო კამპანიების დაგეგმვისა და აუდიტორიასთან ეფექტური კომუნიკაციის სწავლა.ხშირად დასმული შეკითხვებირა პლატფორმებს შევისწავლი კურსზე? კურსის განმავლობაში შეისწავლი Meta Business Suite-ის, Business Manager-ის, Facebook Pixel-ისა და სარეკლამო ინსტრუმენტების გამოყენებას.რამდენ ხანს გრძელდება სოციალური მედიის კურსი? SMM კურსი გრძელდება 1 თვეს და ის მოიცავს 10 ლექციასსაჭიროა თუ არა გამოცდილება კურსზე მოსახვედრად? არა, კურსზე მოსახვედრად გამოცდილება არ არის აუცილებელი.გაიცემა თუ არა სერთიფიკატი? დიახ, კურსის დასრულების შემდეგ მიიღებთ სერტიფიკატსსად შევძლებ დასაქმებას კურსის დასრულების შემდეგ?კურსის დასრულების შემდეგ შეძლებ მუშაობას სოციალური მედიის მენეჯერის, კონტენტ მენეჯერის ან ციფრული მარკეტერის პოზიციაზე, როგორც სააგენტოებში და კომპანიებში, ასევე ფრილანსერად ან საკუთარი ბრენდის განვითარებაზე.
1 თვე
Online
ინტერიერის დიზაინის კურსი
560₾
1
700₾
ელენე ღვინეფაძე
ინტერიერის დიზაინი სივრცის ორგანიზების ხელოვნებაა.ეს სფერო აერთიანებს არქიტექტურას, ფერთა ჰარმონიას და დიზაინის პრინციპებს, რათა შეიქმნას გარემო, სადაც ადამიანს სურს ცხოვრება და მუშაობა.ინტერიერის დიზაინერი ფერებით, ფორმებითა და განათებით ქმნის ატმოსფეროს, რომელიც გამოხატავს ინდივიდის სტილსა და საჭიროებებს.ინტერიერის დიზაინის კურსი დაგეხმარება ისწავლო, როგორ გადაიტანო იდეა რეალურ სივრცეში - ესთეტიკურად, პრაქტიკულად და პროფესიონალურად.რატომ უნდა აირჩიო ინტერიერის დიზაინის კურსი?ინტერიერის დიზაინის კურსის გავლის შემდეგ ჩამოგიყალიბდება ინდივიდუალური ხედვა და შეძლებ, დასაქმდე დამწყები ინტერიერის დიზაინერის პოზიციაზე. თანაც ინტერიერის დიზაინის კურსის გავლა ოფლაინის გარდა ონლაინაც შეგიძლია, საკუთარი სახლიდან. რას შეისწავლი კურსზე?კურსის განმავლობაში ისწავლი Archicad-ს ნულიდან. გაეცნობი ტექნიკურ და თეორიულ ნაწილს, საინტერესო არქიტექტორებს, დიზაინერებს და მათ ნამუშევრებს. გაიგებ, როგორ შეარჩიო ფერთა პალიტრა, განათება, ავეჯი და მასალა, როგორ აქციო ნებისმიერი სივრცე ადამიანის იდენტობის ნაწილად.ვის შეუძლია ინტერიერის დიზაინის შესწავლა?ინტერიერის დიზაინის შესწავლა შეუძლია ყველას, ვისაც ამის სურვილი და ხედვა აქვს. მენტორი:ელენე ღვინეფაძემე ვარ ელენე ღვინეფაძე, არქიტექტორი და ინტერიერის დიზაინერი. ჩემი ამ სფეროსთან შეხება საცხოვრებელი სახლების პროექტებით იწყება.მიმუშავია საცხოვრებელი ბინის ინტერიერის დიზაინზე რჩეულიშვილის ქუჩაზე, ჯიქიას ქუჩაზე, ბარნოვის ქუჩაზე და ასევე ინდივიდუალური საცხოვრებელი სახლის პროექტებზე წავკისში, ტაბახმელაში და ლისზე.ამჟამად ვარ m2 დეველოპმენტის ინტერიერის დიზაინერი.რჩევა [რომელსაც კარიერის დასაწყისში საკუთარ თავს მივცემდი]:ძალიან თუ გინდა რაღაც აუცილებლად მიაღწევ, ამიტომ არ გაჩერდე არც ერთ წარუმატებლობაზე.FAQsრა პროგრამების სწავლება შედის ინტერიერის დიზაინის კურსში? - ინტერიერს დიზაინის კურსზე ნულიდან ისწავლი Archicad-სრამდენ ხანს გრძელდება კურსი? - კურსი 1 თვე გრძელდება და მასში 10 ლექცია შედისგაიცემა თუ არა სერტიფიკატი? - დიახ, ინტერიერის დიზაინის კურსის წარმატებით გავლის შემთხვევაში შენ სერტიფიტაკს მიიღებსად შემიძლია მუშაობის დაწყება კურსის დასრულების შემდეგ? - ინტერიერის დიზაინის კურსის დასრულების შემდეგ შეგიძლია დაიწყო მუშაობა, როგორც ფრილანსერად, ასევე - დამწყები
1 თვე
Online
ქოფირაითინგის კურსი
480₾
1
600₾
ნინო ბალანჩივაძე
ქოფირაითინგი კომუნიკაციის ფორმაა, რომელიც სიტყვებით იდეებს აცოცხლებს.ქოფირაითერი უბრალოდ კი არ წერს, არამედ ქმნის ბრენდის ხასიათს და მომხმარებელში ემოციას აღვიძებს.ქოფირაითინგის კურსი დაგეხმარება გაიგო, როგორ აქციო იდეა ტექსტად და ამ ტექსტით მომხმარებელს სასურველი ქმედებისკენ უბიძგო. რატომ უნდა ისწავლო ქოფირაითინგის კურსი ციფრული ინდუსტრიის აკადემიაში?Copywriting-ის კურსის დასრულების შემდეგ, გეცოდინება, როგორ დააგენერირო კრეატიული იდეები და როგორ გადმოსცე ისინი გამართული, ლაკონიური ტექსტით.გარდა ამისა, შეძლებ, დასაქმდე ამ მიმართულებით.რას ისწავლი კურსზე?კურსის განმავლობაში გაივლი იმ პროცესს, რასაც ქოფირაითერი ბრიფზე მუშაობისას გადის.გაეცნობი პრინციპებს, რომლებიც ქოფირაითერს ეხმარება ორიგინალური კომუნიკაციის შექმნაში.ვისთვის არის განკუთვნილი ქოფირაითინგის კურსი?ქოფირაითინგის კურსი განკუთვნილია ყველასთვის, ვისაც სიტყვებით იდეების გადმოცემა უყვარს და უნდა, ეს მის პროფესიად აქციოს. ნინო ბალანჩივაძე, ქოფირაითერი2016 წლიდან მუშაობდი ლივინგსტონში, სოც.მედიის დეპარტამენტში ქოფირაითერად. 2019 წელს კი გადაწყვიტა მარკეტერობა და 2021 წლამდე იყო თიბისი ლიზინგის ბრენდ მენეჯერი.ამჟამად არის ფრილანსერი და მუშაობს კერძო შეკვეთებზე. მიმუშავია ისეთ პროექტებსა და ბრენდებზე როგორებიცაა: თბილისი გარდენსი, ტერაბანკი, ტეტესეპტი, ბადაგონი, ფაიზერი, რეპროარტი, თიბისი ლიზინგი. რჩევა,რომელსაც კარიერის დასაწყისში საკუთარ თავს მივცემდი:ნუ იბრძვი, რომ იყო საუკეთესო, არამედ ეცადე, რასაც არ უნდა აკეთებდე, დაუთმო სრულიად შენი არსება, ისიამოვნო ამ პროცესით. მე არ გირჩევ რომელ პროფესიას გაჰყვე, რადგან შენი გაკეთებული არჩევანებით მოვედი აქამდე და ეს შენი დამსახურებაა, უბრალოდ არაფერზე ინერვიულო, ნუ გგონია, რომ მთელი შენი ცხოვრების პასუხისმგებლობა, რამდენად შემდგარი იქნები, შენ გკიდია კისერზე, შენ ისწავლე, იმუშავე და ისიამოვნე, დანარჩენი შენმა მომავალმა მეებმა იციან.FAQs:რა არის ქოფირაითინგის კურსის მიზანი? - კურსის მიზანია, გასწავლოს, როგორ დააგენერირო კრეატიული იდეები და შეძლო მათი გამართული, ლაკონიური ტექსტით გადმოცემა, რათა შეძლო პროფესიული დასაქმება ამ მიმართულებითრას ვსწავლობთ ქოფირაითინგის კურსზე? - კურსის განმავლობაში გაეცნობი პრინციპებს, რომლებიც ქოფირაითერს ეხმარება ორიგინალური კომუნიკაციის შექმნაშისაჭიროა თუ არა წინასწარი გამოცდილება კურსზე მოსახვედრად? - არა, კურსზე მოხვედრისთვის წინასწარი გამოცდილება საჭირო არ არისრამდენ ხანს გრძელდება კურსი? - ქოფირაითინგის კურსი მოიცავს 1 თვეს - 10 ლექციასგაიცემა თუ არა სერთიფიკატი? - დიახ, კურსის წარმატებით დასრულების შემდეგ გადმოგეცემა სერტიფიკატი
1 თვე
In Person
ისწავლე მეტი, გადაიხადე ნაკლები - აირჩიე კურსების კომპლექტი და ისარგებლე სპეციალური შეთავაზებით
SEO & Front-End პაკეტი
1150₾
1300₾
2
ვებ პროგრამირების კურსი (HTML&CSS)700₾
SEO-ს კურსი: საძიებო სისტემების ოპტიმიზაცია 600₾
1150₾
1300₾
ინტერიერის დიზაინის პაკეტი
1200₾
1350₾
2
ინტერიერის დიზაინის კურსი700₾
ინტერიერის 3D ვიზუალიზაციის კურსი650₾
1200₾
1350₾
AI + გრაფიკული დიზაინი
1400₾
1600₾
2
გრაფიკული დიზაინის კურსი800₾
ხელოვნური ინტელექტის (AI-ს) პრაქტიკული კურსი800₾
1400₾
1600₾
შემოუერთდი წარმატებულ კურსდამთავრებულებს
Social Media Manager
Academy
FlowFlow Magazine
1/1
გინდა დაიწყო კარიერა საერთაშორისო კომპანიებში?
ჩვენი კურსდამთავრებულების 70% მსოფლიოს წამყვან კომპანიებში მუშაობს. აირჩიე შენი სასურველი პროფესია და შეუერთდი მათ.
ჩვენი სტუდენტის ქეთევან ცეცხლაძის ფინალური პროექტი
ქეთევან ცეცხლაძე ჩვენი ერთ-ერთი წარმატებული კურსდამთავრებულია. მან ციფრული ინდუსტრიის აკადემიაში ინტერიერის დიზაინისა და ინტერიერის 3D ვიზუალიზაციის კურსები გაიარა და ფინალური პროექტისთის გააკეთა პროექტი, სადაც ყველა ოთახში სხვადასხვა და თან ამავდროულად ერთმანეთის მსგავსი სტილი არის გამოყენებული.მე ვარ ქეთი, 18 წლის. ბავშვობიდან მიყვარდა სივრცეებში სილამაზის პოვნა და დღეს ეს სიყვარული ინტერიერის დიზაინში გადმოვიტანე. დავამთავრე ინტერიერის დიზაინის და ინტერიერის 3D ვიზუალიზაციის კურსი, ახლა ვიწყებ ჩემს დიზაინერულ გზას – სილამაზე, ჰარმონია და ხასიათი თითოეულ სივრცეში ჩემი მთავარი მისწრაფებაა.ზოგადად ხელოვნება ყოველთვის მიყვარდა და როდესაც საქმე პროფესიის არჩევაზე მიდგა, ვეცადე, ამ მიმართულებით მეპოვა რამე. კონკრეტულად ინტერიერის დიზაინის მიმართ ინტერესი გამიჩნდა 15 წლის ასაკში და იმის მერე სულ ვცდილობდი, რამე მესწავლა.ძალიან ბევრი აკადემია ვნახე, თავიდან უნივერსიტეტში ჩაბარებასაც ვაპირებდი, მაგრამ მერე ციფრული ინდუსტრიის აკადემია შემხვდა და რატომღაც ძალიან დიდი ინტერესი გამოიწვია ჩემში.ჩემი ლექტორი იყო ელენე ღვინეფაძე, რომელზეც მხოლოდ კარგის თქმა შემიძლია: კომუნიკაბელურია, თბილი, იდეალური გადმოცემის უნარი აქვს. ბევრს ვერაფერს ვიტყვი, რადგან სიტყვები არ მეყოფა. ერთი სიტყვით, ყველას, ვისაც მოუნდება ინტერიერის დიზაინის სწავლა, ვურჩევ ელენესთან ისწავლოს.დამწყებ დიზაინერებს ვურჩევდი, უყვარდეთ, რასაც აკეთებენ – ინტერიერის დიზაინი არ არის მხოლოდ სივრცის მოწყობა, ეს არის ისტორიის მოყოლა სხვადასხვა სტილით.ფინალური პროექტისთვის ვეცადე პროექტი გამეკეთებინა, სადაც ყველა ოთახში სხვადასხვა და თან ამავდროულად ერთმანეთის მსგავს სტილს გამოვიყენებდი.
ჩვენი სტუდენტის თაკო კაპანაძის ფინალური პროექტი
თაკო კაპანაძე ჩვენი ერთ-ერთი წარმატებული კურსდამთავრებულია. მან გრაფიკული დიზაინის 2 თვიანი კურსი გაიარა და 14 ვორქშოპის შემდეგ შექმნა ფინალური პროექტი LUGGY, რომელიც ეხმარება ტურისტებს ქალაქში თავისუფლად “luggage free” გადაადგილებაში. მე ვარ თაკო კაპანაძე. დავამთავრე საერთაშორისო ურთიერთობების საბაკალავრო პროგრამა და მაქვს სამუშაო გამოცდილება არასამთავრობო სექტორსა და განათლების სფეროში, თუმცა ყოველთვის მაინტერესებდა და ახლო იყო ჩემთვის შემოქმედებითი სფერო და ზოგადად ხელოვნება.პანდემიის დროს დავიწყე ციფრული კოლაჟების კეთება, მაგრამ არ მქონდა ტექნიკური ცოდნა და პირველად მაშინ გამიჩნდა სურვილი, რომ შემესწავლა გრაფიკული დიზაინი.აკადემიაში გავიარე გრაფიკული დიზაინის კურსი, რომელიც იყო ძალიან საინტერესო, პრაქტიკული და ყოველი დავალება მეხმარებოდა ლექციაზე მიღებული ცოდნის გამტკიცებაში.ამ კურსმა მომცა ყველა საჭირო უნარი იმისათვის, რომ ჩემი იდეები გადმომეცა მარტივად და დამენახა ყველა მნიშვნელოვანი თუ თვალისთვის შეუმჩნეველი დეტალი. ჩემი ლექტორი იყო ქეთი შალუტაშვილი, რომელიც ლექციებს ძალიან საინტერესოდ ატარებდა, სტუდენტების მიმართ კი მუდამ მეგობრული დამოკიდებულება ჰქონდა. გვასწავლა საჭირო tool-ების გამოყენება და გვიკეთებდა ინდივიდუალურ feedback-ებს, რაც ძალიან გამოსადეგია ცოდნის გაღრმავებისთვის.დამწყებ დიზაინერებს ვურჩევდი, რომ თუ ამ კურსის გავლას გადაწყვეტთ, მნიშვნელოვანია, რომ ყველა დავალება შეასრულოთ და მაქსიმალურად გამოავლინოთ თქვენი შემოქმედებითი ხედვა.ჩემი ფინალური ნამუშევრის შთაგონების წყარო იყო ბარგის შესანახი სათავსოები, რომლებსაც ხშირად ვხვდებოდი ევროპაში მოგზაურობისას და არის ძალიან კომფორტული. ვიფიქრე, იგივე რომ გაკეთდეს თბილისის ცენტრში, სადაც ძალიან ბევრი ტურისტია, მოგზაურობას და ქალაქის დათვალიერებას მეტად სასიამოვნოს და მოსახერხებელს გახდიდა.
ლიზა კოპალეიშვილის ისტორია: როგორ გავხდი გრაფიკული დიზაინერი
გიზიარებთ ჩვენი კურსდამთავრებულის, ლიზა კოპალეიშვილის ისტორიას, რომელმაც ციფრული ინდუსტრიის აკადემიაში სოციალური მედიის, გრაფიკული დიზაინის, 3D დიზაინისა და UI/UX დიზაინის კურსები გაიარა, ახლა კი გრაფიკული დიზაინერია Space Cargo-ში.მე ვარ ლიზა კოპალეიშვილი, 21 წლის. ამჟამად პროფესიით ვარ გრაფიკული დიზაინერი და მე-3 კურსის სტუდენტი პიარის განხრით.ყოველთვის ძალიან ვიყავი დაინტერესებული ციფრული სფეროებით. იმის გათვალისწინებით რომ ჩემს მთავარ პროფესიასთან ეს კურსები ახლოს იყო, გადავწყვიტე ჩემი ცოდნა გამეღრმავებინა სხვადასხვა განხრით. ციფრული ინდუსტრიის აკადემიის შესახებ ნაცნობის რეკომენდაციით გავიგე და გადავწყვიტე ერთ-ერთი კურსის გავლა. ამის შემდეგ გავიარე კიდევ სამი კურსი. თითოეული დამეხმარა ზრდაში როგორც პიროვნულად, ასევე პროფესიულად. ჩემი ყველა კურსის ლექტორი და ზოგადად სილაბუსი ძალიან მომეწონა და ბევრ რამეში გამომადგა მათი რჩევებიც. ციფრული ინდუსტრიების აკადემიაში გავიარე რამდენიმე კურსი 2022 წლიდან მოყოლებული. დავიწყე სოციალური მედიის კურსით, შემდეგ გავიარე გრაფიკულ დიზაინი, 3D დიზაინი და UI/UX დიზაინი. ყველა ამ კურსმა მნიშვნელოვანი როლი ითამაშა ჩემი კარიერის ჩამოყალიბებაში და დამეხმარა გავმხდარიყავი ის, ვინც დღეს ვარ. კონკრეტულად, გრაფიკული დიზაინის კურსი ჩემთვის გადამწყვეტი მომენტი იყო. ის დამეხმარა, მეპოვა ჩემი თავი ამ სფეროში და გამეგო, თუ რისი კეთება მინდოდა ცხოვრებაში. ამის შემდეგ მინდოდა უფრო ღრმად შემესწავლა დიზაინის სფერო, რამაც გადამაწყვეტინა 3D დიზაინისა და UI/UX დიზაინის კურსების გავლა. ორივე მათგანმა გააფართოვა ჩემი ცოდნა და მომცა უფრო ფართო პერსპექტივა, რაც დამეხმარა უფრო მეტი გამეგო დიზაინის სხვადასხვა ასპექტის შესახებ. საერთო ჯამში, ეს კურსები დამეხმარა გამეგო, რისი გაკეთება მინდოდა და სად მსურდა ჩემი კარიერის განვითარება.ამჟამად ვმუშაობ სრულ განაკვეთზე დისტანციურად. ვარ გრაფიკული დიზაინერი Space Cargo-ში. მალე ორი წელი შესრულდება, რაც აქ დავიწყე მუშაობა. ეს იყო ჩემი პირველი სრულ განაკვეთზე მუშაობის გამოცდილება, თუმცა მანამდე გრაფიკული დიზაინის კურსის დასრულების შემდეგ, დავიწყე ჩემს პორთფოლიოზე მუშაობა და საკმაოდ სწრაფად ავიღე freelance პროექტები. ძირითადად ქართველი დამსაქმებლებისგან, თუმცა მქონდა შეხება უცხოურ კომპანიებთანაც. შევქმენი ლოგოები, ბრენდ ბუქები, ციფრული და ბეჭდური მასალები. ერთწლიანი freelance გამოცდილების მიღების შემდეგ შევუერთდი Space Cargo-ს გუნდს, სადაც ვმუშაობ ციფრულ და ბეჭდურ მასალებზე, ბრენდინგზე და სხვა. ასევე შევქმენი ამავე კომპანიის ლოგო.აკადემიამ გადამწყვეტი როლი ითამაშა ჩემს დასაქმებაში. მან მომცა ის უნარები და ცოდნა, რაც მჭირდებოდა გრაფიკული დიზაინის სფეროში ჩემი კარიერის დასაწყებად. გარდა ტექნიკური მხარისა, ასევე ლექტორების მიერ მოცემული რჩევები ძალიან გამოსადეგი აღმოჩნდა ჩემთვის. აკადემიაში მიღებულმა ცოდნამ მომცა იმის შესაძლებლობა, რომ შემეძინა ისეთი პროფესია, სადაც თავს ყველაზე კომფორტულად ვგრძნობდი.ჩემი გამოცდილებით, ციფრულ სამყაროში დასაქმების მსურველებს შემდეგ რამეს ვურჩევდი: ახლავე დაიწყეთ და აღარ გადადოთ. შესაძლოა თავიდან თავი დაბნეულად იგრძნოთ, მაგრამ სწორედ მაგ მომენტში არ უნდა დანებდეთ და გააგრძელოთ სწავლა. ისწავლეთ ნელი ნაბიჯებით, არ იჩქაროთ და დაიმახსოვრეთ რომ მხოლოდ თეორიული მასალა არაფერს მოგცემთ, გჭირდებათ პრაქტიკა და ყოველთვის პრაქტიკა! შეცდომების დაშვების არ შეგეშინდეთ, რადგან შეცდომებს პროფესიონალებიც ძალიან ბევრს უშვებენ. ასევე, იყავით ცნობისმოყვარეები და ღია ახალი ინსტრუმენტებისა და უნარების შესასწავლად, რადგან ეს სფერო სწრაფად იცვლება. და ბოლოს, არ შეგეშინდეთ თუ კურსის გავლის შემდგომ მაშინვე ვერ დასაქმდებით. ჯერ იზრუნეთ პორთფოლიოს შექმნაზე, გააკეთეთ freelance პროექტები და დააგროვეთ რაც შეიძლება მეტი გამოცდილება.
ჩვენი სტუდენტის ვახო ცინცაძის ფინალური პროექტი
ვახო ცინცაძე ჩვენი 14 წლის წარმატებული კურსდამთავრებულია. მან ციფრული ინდუსტრიის აკადემიაში ვებ პროგრამირების, JavaScript-ისა და Python-ის კურსები გაიარა და შემდეგ ვებგვერდი შექმნა. მე ვარ ვახო ცინცაძე, 14 წლის. 2024 წლის ივნისში დავიწყე ჩემი პირველი ვებ-პროგრამირების კურსი, მაგრამ ინტერესი ტექნოლოგიებისადმი ბავშვობიდან მქონდა. ყოველთვის მსურდა, მემუშავა ისეთი რაღაცის შექმნაზე, რაც რეალურად გამოიყენებოდა.აკადემიაში გავიარე 3 კურსი: Front-end, JavaScript და Python.სამივე ძალიან მომეწონა და ვთვლი, რომ ეს კურსები ზუსტად ის იყო, რაც მე მსურდა.მნიშვნელოვანი უნარი, რომელიც კურსის მეშვეობით შევიძინე, იყო სამყაროს სხვა თვალით დანახვა. ვიაზრებ ყოველ ნაბიჯს, რის შემდეგაც უკვე ვმოქმედებ. როგორც კოდის წერისას – ჩვენ ჯერ ვადგენთ გეგმას და მხოლოდ შემდეგ ვუდგებით კოდის წერას.პროგრამისტებს ყველას ვურჩევდი, შეასრულონ ყოველივე დავალება, რომელსაც ლექტორი აძლევთ, რადგან ერთი დეტალის გარეშეც კი პაზლი არ აეწყობაჩემი ფინალური ნამუშევრის შთაგონების წყარო იყო ინტერნეტი.
ჩვენი სტუდენტის ივა ჯაფარიძის ფინალური პროექტი
ივა ჯაფარიძე ჩვენი ერთ-ერთი წარმატებული კურსდამთავრებულია. მან ციფრული ინდუსტრიის აკადემიაში ინტერიერის დიზაინისა და ინტერიერის 3D ვიზუალიზაციის კურსები გაიარა და ფინალური პროექტისთვის სკანდინავიური სტილის დიზაინი შექმნა. მე ვარ ივა ჯაფარიძე, 21 წლის. თბილისის სახელმწიფო აკადემიის, ავეჯის პროექტირების სტუდენტი. ამ სფეროსადმი ინტერესი ბავშვობიდან მქონდა. სულ ვფიქრობდი, თუ როგორ მოვაწყობდი და გადავაკეთებდი ამა თუ იმ სივრცეს. ამასთან ერთად, ყოველთვის ავეჯის შექმნაზე ვფიქრობდი. როგორც კი უნივერსიტეტში ჩაბარების დრო მოვიდა, ვიცოდი, რომ ამ სფეროს უნდა გავყოლოდი.ძიებისა და კვლევის შემდეგ გავიგე ციფრული ინდუსტრიის აკადემიის შესახებ. ლექტორებისა და პროექტების ნახვის შემდეგ ვიცოდი, რომ აქ უნდა გამეღრმავებინა ცოდნა.გავიარე ინტერიერის დიზაინისა და ინტერიერის 3D ვიზუალიზაციის კურსი. ორივე კურსის დამთავრების შემდეგ გამიჩნდა უფრო დიდი სიმპათია ამ სფეროს მიმართკურსი დამეხმარა ჩემი ცოდნის გაღრმავებასა და ახალი ინფორმაციის მიღებაში. კურსის მეშვეობით გავიღრმავე პროფესიული კომუნიკაციისა და პრეზენტაციის უნარი.ჩემი ლექტორი ორივე კურსზე ელენე ღვინეფაძე იყო. ელენე პროფესიონალი და თავის საქმის მოყვარული ადამიანია. სწორედ ეს თვისება უწყობს ხელს სტუდენტებში პროფესიისადმი სიყვარულის გაღვივებას. ასევე აღსანიშნავია ელენეს კოლეგიალურობა ახალბედა ინტერიერის დიზაინერებთან.ჩემი რჩევა დამწყები დიზაინერებისთვის იქნება, რომ რაც შეიძლება ბევრი ნახონ. დღეს ყველაფერი ციფრულადაა შესაძლებელი, მაგრამ არაფერია მოგზაურობაზე უკეთესი სწორედ იმისათვის, რომ მეტი ინფორმაცია დაილექოს გონებაში. უნდა იმუშაონ და გამოცადონ თავიანთი თავები, სანამ საკუთარ სტილს არ იპოვიან. ეს სფერო დღეს საკმაოდ კონკურენტუნარიანია, ინდივიდუალიზმი კი – იშვიათი. ამისათვის ბევრი შრომაა საჭირო საკუთარ თავზე.ჩემი ფინალური ნამუშევრის შთაგონების წყარო სკანდინავიური, მინიმალისტური, ამავე დროს ბევრის მთქმელი სტილი იყო. როგორც უკვე აღვნიშნე, მნიშვნელოვანია, სხვადასხვა სტილისა თუ ესთეტიკის საკუთარ თავზე მორგება. ამ პროექტზე მუშაობისას გადავწყვიტე, თავი სკანდინავიურ სტილში გამომეცადა და მაქსიმალურად შემესწავლა მისი თვისებები.
ანა ბაღიშვილის ისტორია: ბიოლოგობიდან გეიმ დეველოპერობამდე
გიზიარებთ ჩვენი კურსდამთავრებულის, ანა ბაღიშვილის ისტორიას, რომელმაც ციფრული ინდუსტრიის აკადემიაში Front-end დეველოპმენტის სრული კურსი გაიარა, ახლა კი მუშაობს Lambda Gaming-ში, Game Developer-ის პოზიციაზე. მე ვარ ანა ბაღიშვლი, პროფესიით ბიოლოგი. მეცნიერებისადმი სიყვარული ბავშვობიდანვე მქონდა, განსაკუთრებით ცოცხალი ორგანიზმების, ამიტომ ბიოლოგიის მიმართულებით სწავლის გაგრძელება ჩემი ბუნებრივი არჩევანი იყო. მიუხედავად ამისა, ყოველთვის მხიბლავდა ციფრული ინდუსტრია და ვიცოდი, რომ ერთ დღეს აუცილებლად შევაბიჯებდი ამ საინტერესო სამყაროში.ციფრული ტექნოლოგიები თანამედროვე სამყაროში ნებისმიერ სფეროში მნიშვნელოვან როლს ასრულებს, მათ შორის – ბიოლოგიაშიც, სწორედ ამიტომ გადავწყვიტე, გამეღრმავებინა ცოდნა ამ მიმართულებით. აკადემიის შესახებ სხვადასხვა წყაროებიდან შევიტყვე და დავინტერესდი. გადავწყვიტე, უფრო ღრმად შემესწავლა ციფრული ტექნოლოგიები, რამაც უკვე საბოლოოდ გადამაწყვეტინა front-end დეველოპერი გავმხდარიყავი.აკადემიაში გავიარე Front-end დეველოპმენტის სრული კურსი (HTML, JavaScript, Angular). კურსმა არა მხოლოდ ტექნიკური ცოდნა შემძინა, არამედ მასწავლა, როგორ გამოვიყენო ეს ცოდნა პრაქტიკაში, რაც ჩემი ახალი პროფესიისთვის აუცილებელია. გარდა ამისა, ამ კურსზე სწავლა შესაძლებელი გახდა GITA-ს სრული სტიპენდიის დამსახურებით, რამაც დიდი მოტივაცია მომცა და საკუთარი შესაძლებლობების რწმენა გამიმტკიცა.ამჟამად ვმუშაობ Lambda Gaming-ში, Game Developer-ის პოზიციაზე. Lambda Gaming ქმნის ინოვაციურ ონლაინ თამაშებს და მუდმივად ცდილობს, მომხმარებლებს შესთავაზოს საუკეთესო სათამაშო გამოცდილება. ჩემი საქმიანობა დაკავშირებულია თამაშების შექმნასთან და მათ განვითარებასთან, რაც მოიცავს იდეების რეალიზაციას, ფუნქციონალის შექმნას და თამაშის დინამიკის გაუმჯობესებას. აკადემიაში მიღებულმა ცოდნამ და გამოცდილებამ დიდი როლი ითამაშა ჩემს კარიერულ განვითარებაში. ტექნიკური უნარების შეძენასთან ერთად, კურსმა მასწავლა, როგორ გამოვავლინო ჩემი პოტენციალი რეალურ პროექტებზე მუშაობისას. ეს ყველაფერი დამეხმარა ახალი შესაძლებლობების აღმოჩენაში და საკუთარი თავის უკეთ რეალიზებაში.ციფრულ სამყაროში დასაქმების მსურველებს პირველ რიგში ვურჩევდი, რომ არ შეუშინდნენ სიახლეებს. ციფრული სამყარო მუდმივად ვითარდება და მუდმივი სწავლა გადამწყვეტია. მნიშვნელოვანია არა მხოლოდ თეორიული ცოდნა, არამედ პრაქტიკული გამოცდილების მიღებაც – რაც შეიძლება მეტი პროექტის გაკეთება და რეალურ ამოცანებზე მუშაობა. ასევე გირჩევთ, რომ გამოიყენოთ ყველა შესაძლებლობა – სტიპენდიები, ტრენინგები და სხვა რესურსები – რათა საკუთარი მიზნები რეალობად აქციოთ.
ჩვენი სტუდენტის ნინო დიდებაშვილის ფინალური პროექტი
ნინო დიდებაშვილი ჩვენი ერთ-ერთი წარმატებული კურსდამთავრებულია. მან გრაფიკული დიზაინის 2 თვიანი კურსი გაიარა და 14 ვორქშოპის შემდეგ ფიოდორ დოსტოევსკის წიგნის ყდების თავისებური ვარიანტები შექმნა. მე ვარ ნინო, 30 წლის. ბავშვობიდან ვხატავ და ზოგადად მიყვარს ხელოვნება და მასთან დაკავშირებული მრავალი სფერო. შემოქმედება ჩემთვის ის ყოველდღიური ჟანგბადია, რომლის გარეშეც არსებობა ვერ წარმომიდგენია. მრავალი წელია მეგობრები მირჩევდნენ, რომ გრაფიკული დიზაინი კარგად გამომივიდოდა ჩემი უნარების გათვალისწინებით და ამიტომაც გადავწყვიტე, ჩემი თავი გამომეცადა ამ მიმართულებით და ახალი პროფესია შემეძინა. ციფრული ინდუსტრიის აკადემია ორი ძირითადი მიზეზის გამო ავირჩიე: პირველი – აქ მომეცა შანსი საკმაოდ მოკლე დროში შემესწავლა ის საკითხები, რის სწავლასაც ბევრად უფრო ხანგრძლივ დროში სთავაზობენ სხვა მსგავსი კურსები. მეორე – გრაფიკი იყო ისეთი, რომ როდესაც სრულგანაკვეთურ სამუშაოზე მუშაობ პარალელურად სწავლა არ გაგჭირვებოდა. აკადემიაში გავიარე გრაფიკული დიზაინის კურსი, საკმაოდ საინტერესო გამოცდილება მივიღე და მრავალი რამ ვისწავლე. ამ სფეროში მოღვაწეობისთვის საჭირო უნარები და ცოდნა შევიძინე, როგორც დამწყებმა. გარდა ამისა, ვისწავლე ვიზუალური კომუნიკაციის გზით კონკრეტული მესიჯის გადმოცემა.ლექტორი იყო ამომწურავი, საკმაოდ საინტერესოდ და ღრმად ხსნიდა ყველა საკითხს. ყოველთვის ამოწმებდა იმას, გაიგო თუ არა ყველა კურსის მონაწილემ ახალი საკითხი, იყო ძალიან ყურადღებიანი. დამწყებ დიზაინერებს შემდეგ რამეს ვურჩევდი: მიიღეთ კრიტიკა და განაგრძეთ განვითარება – არასდროს აღიქვათ კრიტიკა პირადად, არამედ როგორც განვითარების შესაძლებლობად. მე პირადად კურსის განმავლობაში ყველაზე მეტი ვისწავლე იქიდან, რაც მეშლებოდა და რასაც ლექტორთან ერთად ვასწორებდი. არ შეგეშინდეთ კითხვების დასმის, როდესაც რაიმეს ვერ გაიგებთ და არ იცით. ჩემი ფინალური ნამუშევრის შთაგონების წყარო იყო ჩემი საყვარელი ავტორი, დოსტოევსკი, რომლის პერსონაჟების შექმნაც სულ მინდოდა. ზოგადად აქტიური მკითხველი ვარ. ძალიან ბევრს ვკითხულობ ბავშვობიდან და რაც იშვიათია, მომწონებოდა, ეს იყო წიგნის ყდები, რომლებიც თითქმის ყოველთვის იყო მნიშვნელობისგან დაცლილი.ჩემი ნამუშევრით ვეცადე იმას, რომ სანამ მკითხველი წიგნს წაიკითხავს, ემოციური შთაბეჭდილება მიიღოს დაახლოებით იმ პერსონაჟებზე და ისტორიაზე, რომელიც მას წინ ელოდება.
გიზიარებთ ჩვენი კურსდამთავრებულის, გურანდა გიუაშვილის ისტორიას, რომელმაც ციფრული ინდუსტრიის აკადემიაში ინტერიერის დიზაინისა და ინტერიერის 3D ვიზუალიზაციის კურსები გაიარა, ამჟამად კი ფრილანსერია ინტერიერის დიზაინის მიმართულებით. მე ვარ გურანდა გიუაშვილი, 38 წლის. დავამთავრე ილია ჭავჭავაძის სახელობის საქართველოს ეროვნული უნივერსიტეტი ბიზნესის ფაკულტეტი, ასევე – ევროპის უნივერსიტეტი მასწავლებლის მოსამზადებელი პროგრამა.მიუხედავად იმისა, რომ სხვა პროფესიაში ვმოღვაწეობ, არასდროს შემიწყვიტავს ფიქრი და ინტერესი ინტერიერის დიზაინისადმი. მუდმივად ვადევნებდი თვალს სხვადასხვა პროექტებსა და სიახლეებს, ამიტომ გადავწყვიტე, ამ მიმართულებით მესწავლა.ონლაინ პლატფორმების საშუალებით მოვიძიე ინფორმაცია და არჩევანი ციფრული ინდუსტრიის აკადემიაზე შევაჩერე იმიტომ, რომ სხვა აკადემიებთან შედარებით მეტი ცოდნის მიღებას მპირდებოდნენ, რაც ნამდვილად გამართლდა.აკადემიაში გავიარე ინტერიერის დიზაინის და ინტერიერის 3D ვიზუალიზაციის კურსები, შევისწავლე Archicad, Photoshop და 3ds max. კურსმა მასწავლა სივრცის დაგეგმარება მაქსიმალურად ფუნქციურად, ავეჯისა და განათების გეგმარება. განათების, ფერების, ტექსტურებისა და მასალების მნიშვნელობა ინტერიერში. ეს ყველაფერი მასწავლეს რეალურ პროექტზე მუშაობის დროს, რამაც მომცა საშუალება, თეორიული ცოდნა გადმომეტანა პრაქტიკაში.ჩემი მენტორები იყვნენ ელენე ღვინეფაძე და დაჩი ხაზალია, რაშიც ძალიან გამიმართლა. ჩემთვის ძალიან მნიშვნელოვანია კითხვებზე პასუხების გაცემა, ყურადღება და დახმარება, მითუმეტეს, როცა სრულიად უცხო პროგრამას სწავლობ დროული დახმარება ძალიან მნიშვნელოვანია. განსაკუთრებული მადლობა მინდა გადავუხადო მენტორებს. რომ არა მათი ყურადღებიანი დამოკიდებულება სტუდენტებისადმი, ალბათ კურს ბოლომდე ვერ მივიყვანდი. კურსის დასრულების შემდეგაც კი მზად არიან დახმარებისთვის და კითხვებზე პასუხისათვის.ამჟამად ვარ ფრილანსერი. ინტერიერის დიზაინის სწავლის მსურველებს კი ვურჩევ ციფრული ინდუსტრიის აკადემიას იმიტომ, რომ აქ ნამდვილი პროფესიონალები არიან. კურსის გავლა არ ნიშნავს მხოლოდ ცოდნის გაზიარებას. აქ ყოველთვის მზად არიან დახმარებისთვის. თქვენ იგრძნობთ რომ მარტო არ ხართ.
გიზიარებთ ჩვენი კურსდამთავრებულის, სალომე გეგეჭკორის ისტორიას, რომელმაც ციფრული ინდუსტრიის აკადემიაში სოც მედიისა და ციფრული მარკეტინგის კურსები გაიარა, ახლა კი მაღაზიათა ქსელ ,,ლეგასის’’ (Legacy Shop) სოც. მედია მენეჯერია.მე ვარ სალომე, 29 წლის, პროფესიით ფილოლოგი. ბავშვობიდან მიყვარდა ხატვა და ხელოვნება. შემეძლო ისეთი ნივთებისგან, რომლებიც სხვებისთვის უკვე გამოუსადეგარი და უინტერესო იყო, რაღაც ახალი და საინტერესო შემექმნა. ამ კუთხით შეიძლება გარკვეულ საკითხში არ მქონდა პროფესიული ცოდნა, თუმცა კრეატიული მიდგომით, სრულიად განსხვავებული გზებითა და იდეებით შემეძლო მიმეღო ის, რაც მსურდა. შესაბამისად, ჩემი პროფესიის პარალელურად ხელოვნება ყოველთვის იყო დამატებითი შემოსავლის წყარო.მას შემდეგ, რაც დავოჯახდი და საცხოვრებლად თბილისიდან ბათუმში გადმოვედი, ჩემი ცხოვრება მთლიანად შეიცვალა. თავიდან არ შემიწყვეტია ჩემს პროფესიასთან კავშირი: ვმუშაობდი და ვცდილობდი ქართველური ენათმეცნიერების დოქტორის ხარისხის დაცვას. თუმცა, მას შემდეგ, რაც დედა გავხდი, დროებით ყველაფერი შევაჩერე. ასე ვთქვათ, დავაპაუზე ჩემი ,,პროფესიული მე’’ და მთლიანად შვილზე გადავერთე. ამასობაში მეტი დრო გამომიჩნდა, რომ აქტიურად ჩავრთულიყავი ოჯახურ ბიზნესში და სწორედ აქ დანახული საჭიროებებიდან გამომდინარე, გადავწყვიტე ჩემი წვლილი შემეტანა მის განვითარებაში. ეს არ იყო მარტივი, თუმცა იმდენად საინტერესო აღმოჩნდა ჩემთვის, რომ გადავწყვიტე უფრო ღრმად შემესწავლა გარკვეული საკითხები და სწორედ ამ დროს გამოჩნდით თქვენ! ციფრული რეკლამაც ხომ ასე მუშაობს?! გაჩნდე იქ, სადაც აინტერესებ!აკადემიაში გავიარე სოც მედიისა და ციფრული მარკეტინგის კურსები. მათი საშუალებით შევძელი შემეხედა ციფრული სამყაროს ,,სამზარეულოში”. ვისწავლე ბევრი ისეთი რამ, რაზეც წარმოდგენაც კი არ მქონდა, ასე ვთქვათ, ავიღე სწორი გეზი, გზა, რომელიც დღემდე მეხმარება ჩემი მიზნების მიღწევაში. ამჟამად გამიტაცა პოსტერების შექმნამ და ისევ დაინტერესებული ვარ თქვენი აკადემიით, რომ გავიარო გრაფიკული დიზაინერის კურსი.ამჟამად ვარ მაღაზიათა ქსელ ,,ლეგასის’’ (Legacy Shop) სოც. მედია მენეჯერი. ამასთან, აკადემიაში მიღებული ცოდნის წყალობით, პარალელურად ვითავსებ სხვა საქმიანობებსაც, როგორიცაა: გრაფიკული დიზაინერი, ედვერთაიზერი, ქოფირაითერი და ა.შ. და ამ ყველაფერს ვაკეთებ ძირითადად სახლიდან. ამასთან, ამ კუთხით დახმარებას ვუწევ პატარა კომპანიებსაც.აკადემიამ მომცა ცოდნა, რომელმაც ჩემი თავი სულ სხვა კუთხით დამანახა. ამომიტივტივა ის შესაძლებლობები, რომლებსაც აქამდე სათანადოდ არ ვაფასებდი. შესაბამისად, დამეხმარა საჭირო დროს მოვრგებოდი იმ პროფესიას, რომელიც უფრო გამიადვილებდა ჩემთვის ყველაზე მნიშვნელოვანი არსების, ჩემი შვილის, გვერდით გამეტარებინა მეტი დრო და თავად მეზრუნა მასზე.ციფრულ სამყაროში დასაქმების მსურველებს უპირველეს ყოვლისა ვურჩევდი, რომ მოძებნონ საკუთარ თავში მოტივაცია! ბევრი იშრომონ და არ შეუშინდნენ დაბრკოლებებს (ხშირად ღამე მიწევდა მეცადინეობა და მუშაობა)! ასევე მინდა გითხრათ, რომ იმ კომპანიაში, სადაც ახლა ვმუშაობ, ახლახან დავასაქმეთ ციფრული აკადემიის ამჟამინდელი სტუდენტი. ასე რომ, შეუძლებელი არაფერია.ქალებს, რომლებიც ახლა იწყებენ კარიერულ განვითარებას ვურჩევდი, რომ უფრო მეტად შეიყვარონ საკუთარი თავი! დიახ! ეს უმნიშვნელოვანესია! და არ თქვან უარი საკუთარ შესაძლებლობებზე, თუნდაც ეს სრულიად სხვა სფეროს ეხებოდეს! მთავარია მოგწონდეს, გაინტერესებდეს, გსიამოვნებდეს, არ გეზარებოდეს მისი კეთება, თან სარგებელსაც ნახულობდე ამით!მოტივაციის შენარჩუნებისთვის და ნებისმიერ დაბრკოლებასთან გასამკლავებლად ერთ მარტივ ფორმულას ვიყენებ: ყოველთვის ვეუბნები ჩემს თავს, რომ არ დავკარგო საკუთარი ,,მე’’. ზოგჯერ, ჩვენდა უნებურად, ისე გვეცლება ხელიდან ღირებულებები, სურვილები, შესაძლებლობები, რომ ვერც კი ვხვდებით. ამიტომ ყოველთვის უნდა ვეცადოთ, გარემოებებიდან გამომდინარე, კი არ შევიმციროთ თავი, არამედ განვკარგოთ ის ჩვენი შესაძლებლობების მაქსიმალურად გამოსაყენებლად! იმდენჯერ ავდგეთ, რამდენჯერაც დავეცემით და ვიამაყოთ საკუთარი თავით!ჩემი role model დედაჩემია! ქალი, რომლის წყალობითაც ვარ ძლიერი! ამაყი! ისეთი, როგორიც ვარ!
ჩვენი სტუდენტის ირაკლი ბურღაშვილის ფინალური პროექტი
ირაკლი ბურღაშვილი ჩვენი ერთ-ერთი წარმატებული კურსდამთავრებულია. მან ციფრული ინდუსტრიის აკადემიაში მოუშენ დიზაინის 1 თვიანი კურსი გაიარა და 12 ვორქშოპის შემდეგ Daft Punk-ის მიერ ინსპირირებული ანიმაცია შექმნა. მე ვარ ირაკლი, 29 წლის. მოუშენ დიზაინი ყოველთვის მომწონდა. ხშირად ვადევნებ თვალს სხვადასხვა ცნობილი დიზაინერის ნამუშევრებს. ბავშვობაში გასართობად ვამონტაჟებდი ონლაინ თამაშების ვიდეოებს, თუმცა აქამდე არასდროს მიფიქრია ამ სფეროში საკუთარი თავის წარმოჩენაზე. იქიდან გამდინარე თუ როგორ განვითარდა ციფრული სამყარო, მეც ვცადე მისთვის მხარი ამება.ციფრული ინდუსტრიის აკადემიის კურსი სოციალურ ქსელში ვნახე და მეგობრებისგანაც კარგი feedback-ი მივიღე. თავად კი მოუშენ დიზაინის კურსი გავიარე. ამ კურსის გავლამდე youtube tutorial-ებს ვუყურებდი, მაგრამ ძალიან მიჭირდა, რაღაც პრობლემების გადაჭრა, ვერ ვხვდებოდი tool-ები სწორად როგორ გამომეყენებინა, თაიმლაინზე როგორ უნდა მემუშავა. კურსის დასრულების შემდეგ კი მივიღე ძალიან დიდი გამოცდილება პროექტზე მუშაობისას პრობლემების გადაჭრისა და წარმოსახვის რეალობად ქცევაში.ჩემი ლექტორი, ნიკოლოზ ჯალაღონია ძალიან პროფესიონალურად და მეგობრულად უდგება თითოეულ სტუდენტს, არის მომთხოვნიც, რაც ჩემი აზრით, აუცილებელია ლექტორისთვის. კარგად ხსნიდა არსებულ მასალას და არასდროს ყოფილა კომუნიკაციის პრობლემა მასთან ნებისმიერ თემაზე.დამწყებ დიზაინერებს ვურჩევდი, დღეში მინიმუმ ერთი საათის დათმობა ამ საქმისთვის და სხვისი ნამუშევრების კოპირება სცადონ. ნებისმიერი სირთულის ანიმაცია, რასაც ნახავენ, დააკოპირონ ეწვალონ და განვითარდნენ.ჩემი ფინალური ნამუშევრის შთაგონების წყარო იყო Daft Punk-ი და მის მუსიკაზე გაკეთებული ანიმაციები.
1/10
მზად ხარ გახდე ჩვენი შემდეგი წარმატების ისტორია?
დაწერე შენი წარმატების ისტორია ჩვენთან ერთად.
მზად ხარ პირველი ნაბიჯისთვის?
აირჩიე 6 სკოლის 50-ზე მეტი კურსიდან შენთვის ყველაზე საინტერესო. გიზიდავს კრეატიული დიზაინი ან ინოვაციური ტექნოლოგიები? აღმოაჩინე შენი თავი ახალ პროფესიებში
შემოუერთდი პროფესიონალების გუნდს
შემოუერთდი 30 000-ზე მეტ სტუდენტს მსოფლიოს მასშტაბით. აღმოაჩინე ახალი პროფესიები შენი მიზნების განსახორციელებლად.
Spain
Poland
UK
Czech
South Africa
Kazakhstan
Georgia
Argentina
China
გსურს ისწავლო მსოფლიოს ნებისმიერი წერტილიდან?
ისწავლე ექსპერტებისგან ონლაინ, მსოფლიოს ნებისმიერი წერტილიდან ან ჩვენი აკადემიის თანამედროვე აუდიტორიაში
დაგრჩა კითხვები? მოგვწერე
დაგვიტოვე საკონტაქტო ინფორმაცია და მალე დაგიკავშირდებით (*-ით აღნიშნული ველები სავალდებულოა)